"Ech fueren elo a Südafrika a bréngen doucen Omicron mat. Gratis. A fir de Rescht sinn ech am Streik!!!!", hat den ADR-Deputéierten do ë.a. geschriwwen. Hien hat och een Opruff gemaach, Widderstand ze leeschten.
Esou Aussoe kéint een absolut net guttheeschen, esou d'Reaktioun vum Chamberpresident Fernand Etgen (DP) op eis Nofro hin.
Déi gréng Deputéiert Stéphanie Empain huet op Twitter d'Fro opgeworf, ob déi Aussoen opportun wieren:
An Zäiten wou d'Spideeler sech fëllen an Leit ufänken sech virun Ministeren hierer Hausdier ze rassembléieren... ass et do opportun zum zivilen Ungehorsam opzeruffen? pic.twitter.com/50mAG4HLVi
- Stephanie Empain (@stephanieempain) December 1, 2021
Roy Reding: "Aussoe waren op Mesurë gemënzt"
Hien hätt net Wëlles bei senger Aarbecht als Deputéierten an als Member am Stater Gemengerot ze streiken, esou iwwerdeems de Roy Reding selwer. Dat mam Streike wier op d'Mesurë gemënzt gewiescht.
Et géif him ëm ëffentleche Protest géint déi annoncéiert Corona-Moossname goen, déi hie fir "total disproportionéiert" a fir falsch hält, esou den net-geimpfte Politiker.