Fonds du Logement "Laangfristeg 5000 Wunnenge schafen"

"Et muss een d'Blat ëmdréinen an no vir kucken", seet déi nei Presidentin vum Fonds du Logement. No den Turbulenze vun de leschte Joren wier elo Zäit fir een Neiufank, dee virun allem soll doraus bestoen "Rou an d'Struktur" ze bréngen, sou Diane Dupont. D'Stëmmung wier aktuell awer gutt an d'Equipe motivéiert.

Christiane Kleer / cz

Diane Dupont
Diane Dupont

Momentan stinn 3000 Dossieren op der Waardelëscht vum Fong. An den nächsten zwee Joer sollen 350 nei Wunnenge fäerdeg ginn. De Fonds du logement huet ee Virkafsrecht op Terrainen, déi no um Bauperimeter leien - sou kann no enger Ëmklasséierung direkt geplangt ginn. Allerdéngs géif et a verschidde Gemengen eng negativ Astellung géintiwwer Sozialwunnenge ginn, sou d'Diane Dupont. Generell géif ee gutt mat de Gemengen zesummeschaffen. Déi Leit, déi de Fonds du Logement wéilt logéieren, hätten ee Wunnengsproblem, seet d'Diane Dupont. Dofir wier si frou, "wa mir dee Stigma vum Fonds du Logement géife erofkréien".

"Kee Rekrutementsproblem"

D'Diane Dupont ass zanter dem éischte Januar am Amt, kuerz drop ass bekannt ginn datt mam Eric Rosin - no laanger Zäit - een neien Direkter fonnt ginn ass. Hunn déi Persounen, déi rezent agestallt goufen, missten iwwerzeegt ginn - no den Turbulenze vun de leschte Méint?

"Nee, absolutt net", seet d'Diane Dupont. Och bei de neie Posten déi ausgeschriwwe ginn, géife sech nach ëmmer vill Leit mellen. Et wier ëmmer nach attraktiv, fir beim de Fonds du Logement ze schaffen.

Kuerz- a laangfristeg Projeten

De Fong misst sech an Zukunft och erëm op seng Kär-Missioun konzentréieren, nämlech d'Schafe vu Miet-Wunnengen. Aktuell stinn 3000 Dossieren op der Waardelëscht fir eng Wunneng vum Fong ze lounen. D'Nofro ass also grouss - d'Diane Dupont seet, fir d'Lëscht ofzebaue misst ee Prioritéite setzen.

De Fonds du Logement géif an de nächsten zwee Joer, ronn 350 Wunnengen fäerdeg stellen. Laangfristeg wéilt een tëscht 4000 a 5000 Wunnenge schafen, woubäi verschidde Projete scho konkret an der Planung sinn, anerer nach net. Et géif een natierlech probéieren, fir déi Lëscht sou séier wéi méiglech opzeschaffen. 3000 Wunnengen op kuerz Siicht wier awer eng "Illusioun".

D'Diane Dupont ass zënter der Ofsetzung vum Daniel Miltgen am Joer 2015 déi drëtt Presidentin vum Fonds du logement.

An der Mediathéik:

Invité vum Dag / / Christiane Kleer
Lauschteren

Méi zum Thema

Logement
Themendag Logement

Lëtzebuerg huet en héije wirtschaftleche Wuesstem, d'Bevëlkerung wiisst, mä et feelt u Wunnengen. Wouduerch ass dat bedéngt, wat kënnen de Staat an d'Gemenge maachen, a wéi eng alternativ Wunnforme ginn et?

Claude Wagner
Fonds du Logement

Déi intern Problemer beim Fonds du Logement wäre gekläert, seet den neie President vum Fong, Claude Wagner. Am Hierscht soll en neit Finanzéierungsgesetz fir de soziale Wunnengsbau prett sinn.

D’Chamber gouf iwwer e Fall vun engem méiglechen trafic d’influence beim Fonds du Logement informéiert. D’Deputéiert hunn ofgemaach net iwwer d’Reunioun ze schwätze well de Parquet mam Dossier befaasst ass

Programm

  • Notturno

  • On air

    Noriichten

  • Noriichten

  • Moies-Magazin

  • Panorama

Dossieren

  • Sozialwahlen 2019

    Am Mäerz si Sozialwahlen. A ronn 3.500 Betriber, an deene méi wéi 15 Leit schaffen, ginn d'Personaldelegatioune bestëmmt. An déi 60 Vertrieder an der Salariatskammer ginn nei gewielt.

  • Pierre Werner

    "Pierre Werner, e Mënsch a sengem Joerhonnert" ass eng nei Podcast-Serie, déi de radio 100,7 zesumme mam Center for Contemporary and Digital History vun der Uni.lu entwéckelt huet.

Communiquéen

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen