Falsch Testresultater Labosdirekter schwätzt vun "isoléiertem Fall"

Ee Feeler bei der Maintenance vum Labos-Ekipement huet dozou gefouert datt d'lescht Woch zéng Leit ee falscht Resultat vun hirem Corona-Test kruten. Dat erkläert den Direkter vun de Bionext-Laboen am 100,7-Interview. De Jean-Luc Dourson betount et géif sech em en "isoléierten Incident" handelen, an de Feeler wier mëttlerweil korrigéiert.

Rick Mertens / cbi

Exklusiv Laboratory test for coronavirus COVID-19
Foto: Bigstock / Wladimir.B

De Bäitrag vum Rick Mertens lauschteren


Eng belsch Firma mécht reegelméisseg d'Maintenance vun de Bionext-Laboen. D'lescht Woch wier et esou zu engem Feeler komm, esou de Bionext-Direkter Jean-Luc Dourson: et wier zu engem Software-Feeler komm, deen zu falschen Test-Resultater bei engem zéng Patiente geféiert hätt.

Concernéiert Leit kënnen entschiedegt ginn

An engem Courrier, den eis virläit, gëtt déi belsch Entreprise Accuramed de Feeler zou. Am Bréif heescht et, et wieren am ganzen 20 Testresultater un déi falsch Patiente geschéckt ginn.

De Jean-Luc Dourson preziséiert am 100,7-Interview, zéng Patienten hätten doduerch e Resultat kritt, dat méi spéit huet misse korrigéiert ginn. Wann doduerch e Schued fir d'Leit entstane wier, géife si entschiedegt ginn, dogéint wier ee verséchert.

De Bionext-Direkter ënnersträicht, et géif sech em en "isoléierten Tëschefall" handelen. An de Problem wier mëttlerweil behuewen. Et misst een an Zukunft awer iwwerpréiwen, datt d'Software richteg funktionéiert, sou datt et net méi zu esou engem Tëschefall kënnt.

Onkloer, ob et méi Fäll ginn

Och mat der Santé wier een an enkem Kontakt fir de Virfall ze opzeklären, esou de Jean-Luc Dourson. D'Gesondheetsministerin Paulette Lenert hat gëschter virun der Press gesot et wier bei zwou Serië vun Tester zu Feeler bei de Resultater komm.

Et ass net kloer, ob domat dëse Fall bei Bionext gemengt war, oder ob et och nach an anere Laboratoirë Problemer mat den Testresultater gouf.

Méi zum Thema

Paulette Lenert, ministre de la Protection des consommateurs, ministre de la Santé
Phas 2 vum Large Scale Testing

Wéinst der Corona-Pandemie wäert virun am grousse Stil getest ginn. D'Ministerin Paulette Lenert huet de Moien am Gesondheetsministère Detailer zur Suite vun der Test-Strategie presentéiert.

(de g. à dr.) Paulette Lenert, ministre de la Santé ; Xavier Bettel, Premier ministre, ministre d'État
Corona-Pandemie

Et wier net de richtege Moment fir d'Mesuren ze entschärfen, seet de Premier. D'Zuel vun den Neiinfektioune géif zwar an d'Luucht goen, mee déi aktuell Mesurë wieren déi richteg.

 

Programm

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen