Chamberwahlen 2018 Landwirtschaft an/oder Naturschutz?

De Claude Turmes (déi gréng) plädéiert dofir, de Landwirtschafts- an den Ëmweltministère zesummenzeleeën. D'Martine Hansen (CSV) fënnt dat keng gutt Iddi. D'Landwirtschaft bräicht en eegene Ministère.

Mick Entringer / cbi

Claude Turmes a Martine Hansen
De Claude Turmes an d'Martine Hansen si béid Kandidaten am Norde fir d'Chamberwahlen de 14. Oktober.

D'CSV-Kandidatin am Norden, Martine Hansen, ass net der Meenung, datt een en eenzege gemeinsame Ministère misst schafe fir Landwirtschaft an Ëmwelt besser openeen ofzestëmmen. "Mir brauchen och do e staarke Landwirtschaftsministère, et ass e wichtege Wirtschaftssecteur, dee mir u sech och mussen ënnerstëtzen." Landwirtschaft an Ëmweltschutz misste matenee schaffen an openee lauschteren. "Mir brauchen e separate Landwirtschaftsministère", ënnersträicht d'CSV-Kandidatin am Norden.

De Kandidat fir d'Chamberwahle vun déi gréng a Staatssekretär am Ëmweltministère Claude Turmes mengt, datt et interessant wier, "wann d'Carole Dieschbourg an der nächster Regierung d'Chance hätt fir Naturschutz, Verbraucherschutz a Landwirtschaft an engem Ministère ze féieren." An der aktueller Regierung wieren et dacks "Friktiounen" tëschent Ponts et chaussées an dem Ëmweltministère ginn, mee et wier een ëmmer séier virukomm bei wichtege Projeten, an Naturschutz wier bei verschiddene Projete besser integréiert ginn. Dohier géif de Claude Turmes et "duerchaus gesinn, datt een esou eppes duerchaus kéint zesummeleeën".

Ausstig aus de Pestiziden an dräi Joer

De Claude Turmes wier iwwerdeems immens houfreg, datt d'Ëmweltministesch Carole Dieschbourg matgehollef hätt fir Monsanto a Punkto Glyphosat d'Stir ze bidden. Lëtzebuerg wier mat anere Länner zu Bréissel "Virreider" géint "dat Gëft" gewiescht. Et misst kloer sinn, datt een zu Lëtzebuerg weider eng Virreiderroll wéilt anhuelen, an dofir mengt de Claude Turmes zum Ausstig vu Pestiziden: "Innerhalb vun dräi Joer kënne mir erausklammen".

Fir D'CSV wieren dräi Joer och e realisteschen Zeenario, wann et Alternative géife ginn, seet d'Martine Hansen. Et géifen zwar scho vill alternativ chemesch Mëttel ginn, mee "dat kann net d'Alternativ sinn", seet d'CSV-Deputéiert. "Mir musse vläicht nach a verschidden aner Techniken investéieren." Dofir misst een zesumme mat der Landwirtschaft no neie Weeër sichen, an d'Landwirtschaft wier do sécherlech net dogéint, mengt si. Et wier awer wichteg, esou séier wéi méiglech dësen Ausstig ze packen an et misst een da kucke fir Alternativen ze fannen. Soubal déi do wieren, "klamme mir eraus", esou d'Martine Hansen.

Méi Bio

30-35 Prozent Bio bis 2030 wiere méiglech, seet de Claude Turmes. Fir datt méi Baueren op Bio-Landwirtschaft ëmklamme misst et méi finanziell Ënnerstëtzung fir si ginn an eng Logistik hannendrun, seet de Claude Turmes. D'Kantinne wieren hei wichteg Ofsazmäert.

D'Martine Hansen wëllt sech net op e Prozentsaz oder Zäitplang festleeën. Generell misst et awer méi Bio ginn, mee och dëser Regierung wier dat net gelongen. An de Kantinnen dierft net just Bio verschafft ginn, mee virun allem regional Produkter. Och déi konventionéiert-integréiert Landwirtschaft géif gutt Produite maachen. Am Kader vum neien Naturschutzgesetz wëllt d'CSV den Ökopunktesystem eventuell upassen.

An der Mediathéik:

Chamberwahlen 2018 / / Mick Entringer
Lauschteren

Méi zum Thema

Kichegespréicher #1 - Ëmwelt, Educatioun a Logement
Chamberwahlen 2018

An de Kichegespréicher stelle sech jonk Kandidatinnen a Kandidaten an engem relaxe Kader de Froe vu jonke Wielerinnen a Wieler. An der éischter Episod geet et ëm Ëmwelt, Educatioun an ëm Logement.

Jacques MErsch.JPG
Pestiziden

30.000 Tonne Pestizide ginn all Joer an Europa versprëtzt. Dee gréissten Deel fir Liewensmëttel. Dat misst net sinn. D'Plattform "Ouni Pestiziden" weist, datt et Alternative fir d'Landwirtschaft ginn.

Tractor Fertilize Field Pesticide And Insecticide
Landwirtschaft

Zu Bréissel koum et net zu engem Vote iwwert eng eventuell Neizouloossung vu Glyphosat. Wat sinn déi verschidde Meenungen zum ëmstriddenen Herbizid? A wat ass d'Strategie vu Lëtzebuerg?

Programm

  • Notturno

  • On air

    Virum Dag

  • Noriichten

  • Moies-Magazin

  • Panorama

Dossieren

  • Mënscherechter

    Den 10. Dezember 1948 sinn zu Paräis déi universell Mënscherechter deklaréiert ginn. Um 70. Joresdag vun dëser Deklaratioun steet de Programm vum radio 100,7 ganz am Zeeche vun de Mënscherechter.

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Communiqué du Conseil d’administration du 100,7

    Le Conseil a décidé de créer un comité de transition présidé par Mme Nancy Braun pour la période du 15/12/2018 jusqu'à l'entrée en fonction du nouveau Directeur (m/f). Mme Michèle Vallenthini est nommée suppléante.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen