Defie vun der Landwirtschaft Landwirtschaft: Tëschent Dréchent a Bio

An der Landwirtschaft géif een nach d'Nowierkunge vun der Dréchent vum leschte Joer spieren, seet de Christian Wester, Vizepresident vun der Bauerenzentral. Déi ambitiéis Ziler vun der Regierung a punkto Bio-Landwirtschaft deelt de Christian Wester net. De Landwirtschaftsminister Romain Schneider hält awer u sengen Ziler fest, bis 2025 ee Fënneftel vun der Landwirtschaft op Bio ëmgestallt ze hunn.

Maurice Antony /cz

Feld
Foto: Bigstock / ilixe48

Nieft der Dréchent zejoert géife sech mëttlerweil och déi waarm Temperature vum leschte Juni bemierkbar maachen, seet de Christian Wester. Dobäi kënnt, datt och d'Waasserreservë sech nom waarme Summer vun zejoert nach net erholl hätten.

Duerch den niddrege Waasserspigel an de feelende Reen, missten d'Bauere mat "Wuesstumsdepressioune bei sämtleche Kulture rechnen", sou de Christian Wester. Verschidde Baueren hätte Kärebestänn als Ganzplanze-Silagen (GPS) agedroen, fir hir Fudderbestänn, besonnesch fir de Wanter, méi grouss ze halen.

 De Lëtzebuerger Marché géif momentan nach net genuch Bio-Produiten nofroen, sou de Christian Wester.

Dat hätt awer den Nodeel, datt d'Baueren hir Fudderreserven am Wanter mussen opstocken. De Landwirtschaftssecteur wier och staark vum Klima ofhängeg an dowéinst och direkt vum Klimawandel betraff, sou de Christian Wester. Dem Afloss vum Wieder kéint een als Landwirt schwéier entgéintwierken.

De Landwirtschaftsminister Romain Schneider hält awer u sengen Ziler fest, bis 2025 ee Fënneftel vun der Landwirtschaft op Bio ëmgestallt ze hunn.

Op nationalem Plang suergt de Landwirtschaftsministère weider dofir, datt duerch déi sougenannten "Ertragsausfallversicherung" de Baueren a Wënzer eng Entschiedegung zoukënnt, sou de Landwirtschaftsminister Romain Schneider. Eng zukünfteg Erausfuerderung fir den Agrarsecteur gëtt d'Biolandwirtschaft. Bis 2025 sollen dem Koalitiounsaccord no 20 Prozent vun de Betriber zu Lëtzebuerg zu der Biolandwirtschaft gehéieren. Dofir soll och e Bio-Aktiounsplang opgestallt ginn, sou de Minister.

Bei der Bauerenzentral deelt een déi ambitiéis Ziler net. D'Visioun vun 20 Prozent Bio-Landwirtschaft wier dem Christian Wester no eng politesch Ideologie, déi de Gegebenheeten um Marché net géif Rechnung droen. De Lëtzebuerger Marché géif momentan nach net genuch Bio-Produiten nofroen, sou de Christian Wester.

An der Mediathéik:

Aktuelles / / Maurice Antony
Lauschteren

Méi zum Thema

Guy Feyder, Romain Schneider, Tom Kass
Riicht Eraus

Bis 2025 solle fënnefmol méi Agrarfläche fir biologesch Landwirtschaft genotzt ginn. Deen Ausbau wier néideg, mengt ee Bio-Bauer. De President vun der Landwirtschaftskammer gesäit dat Zil awer kritesch.

Guy Feyder 2
Landwirtschaft an Naturschutz

D'Politik géif an de leschte Joren ëmmer méi dacks op Käschte vun der Landwirtschaft decidéieren, esou de Guy Feyder. Fir d'Lëtzebuerger Bauere géif et ëmmer méi schwéier ginn, fir hir Interessen duerchzesetzen.

Trakter um Feld
Buchstellentag

D'Landwirtschaft befënnt sech an engem Strukturwandel. D'Zuel vu Betriber ass erofgaangen, gläichzäiteg sinn d'Fläche vun de Betriber an d'Luucht gaangen. Bauere sollten hir Investitioune wäitsiichteg plangen, sou de Landwirtschaftsminister.

Guy Feyder
Agrikultur

D'Landwirtschaft misst en eegestännege Ministère behalen, seet de Guy Feyder. D'Agrikultur géif dovunner ofhänken, datt eng Natur funktionéiert, mee Natur a Biodiversitéit géifen ënner dem Wuesstum leiden.

Claude Turmes a Martine Hansen
Chamberwahlen 2018

De Claude Turmes (déi gréng) plädéiert dofir, de Landwirtschafts- an den Ëmweltministère zesummenzeleeën. D'Martine Hansen (CSV) fënnt dat keng gutt Iddi. D'Landwirtschaft bräicht en eegene Ministère.

Jacques MErsch.JPG
Pestiziden

30.000 Tonne Pestizide ginn all Joer an Europa versprëtzt. Dee gréissten Deel fir Liewensmëttel. Dat misst net sinn. D'Plattform "Ouni Pestiziden" weist, datt et Alternative fir d'Landwirtschaft ginn.

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • CinÉast 2019

    Et ass déi zwieleften Editioun vum CinÉast Filmfestival. Vum 3. bis den 20. Oktober ginn iwwer 65 Featuren a 50 Kuerzfilmer aus 20 Länner aus Mëttel- an Osteuropa gewisen.

Net verpassen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen