Richtungssträit Laurent Mosar: "Ech soen näischt zum Frank Engel"

Den CSV-Deputéierte Laurent Mosar wëllt sech net dozou positionéieren, ob den Frank Engel nach laang President vun der Partei soll bleiwen. Hie wéilt net ëffentlech iwwer "d'Interna vun der CSV" schwätzen, esou den Deputéierten.

Rick Mertens (Interview) / Chris Zeien (Web)

Laurent Mosar
Foto: Archiv

An enger Partei géif et heiansdo Diskussiounen an dat wier dem Laurent Mosar no och normal. Et wier och net "anormal", datt och de Parteipresident sech un deenen Diskussioune bedeelegt.

Op d'Fro, ob hie sech géif wënschen, datt de Frank Engel nach laang Parteipresident géif bleiwen, äntwert de Laurent Mosar: "Wësst der, ech hu ganz vill Wënsch, an och meng Wënsch, déi ech hunn, wäert ech Iech elo de Moien net alleguer hei iwwer de Mikro erzielen."

Op weider Nofro, wëllt den CSV-Deputéierte sech och net positiv fir e Verbleif vum Frank Engel op dem Poste vum CSV-Parteipresident positionéieren.

"Dir sot net jo ..."

"Ech soen näischt."

Obwuel den CSV-President d'Aféiere vun enger Ierfschafts- a Verméigensstéier an d'Diskussioun bruecht hat, ass fir de Laurent Mosar kloer, datt seng Partei weider géint géint dës Stéierformen ass. Et géif weider de Walprogramm vun 2018 gëllen, esou den CSV-Deputéierten.

An der Mediathéik:

Invité:e vum Dag / / radio 100,7
Lauschteren

Méi zum Thema

Frank Engel
Proposë vum Frank Engel

Den CSV-President Frank Engel hat eng Ierfschaftssteier an direkter Linn an eng Verméigenssteier fir Privatpersoune gefuerdert. Vertrieder vun de Majoritéitsparteie reagéieren ënnerschiddlech.

Frank Engel
Chrëschtlech-Sozial Vollekspartei

Den CSV-Nationalcomité ass elo mam Sträit iwwer dem CSV-President Frank Engel seng Steierproposë befaasst. An d'CSJ fuerdert en anere Leadership.

Frank Engel
Steierpolitik

De Frank Engel hat sech fir eng Ierfschaftssteier an direkter Linn an eng Verméigenssteier fir Privatpersounen ausgeschwat. Am Walprogramm vun 2018 stéing de Géigendeel, heescht et elo vu senger Partei.

Net verpassen

Programm

Dossieren

  • Alles iwwer de Podcast Schlechte Schüler

    An eisem Dossier fannt dir sämtlech Episode vun eisem Podcast Schlechte Schüler, Interviewe mat Schoulexperten an déi komplett Transkripter vun den eenzelnen Episoden.

  • Chamberwalen 2023

    Den 8. Oktober gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen