Afghanistan Lëtzebuerg versicht zousätzlech Leit aus Afghanistan ze evakuéieren

Lëtzebuerg wëllt weider Leit aus dem Afghanistan evakuéieren. Den Ausseminister Jean Asselborn huet virun der Press vun engem Dokter, deem sengem Jong, an zwou weidere Famillje geschwat.

Philip Crowther (Islamabad) / Carole Schimmer / cbi

A400M
Foto: picture alliance/dpa | Lino Mirgeler

Et wier awer "extrem komplizéiert" gi fir weider Leit aus Kabul ze evakuéieren, huet den Ausseminister de Mëtteg virun der Press betount.

E Representant vun der Arméi zu Islamabad huet eis géigeniwwer preziséiert, et géif sech ëm 15 Leit handelen. Lëtzebuerg hätt d'Belsch gefrot fir déi Persounen ze fannen an ze evakuéieren. Dës Leit hu fir humanitär Zwecker mat engem Lien zu Lëtzebuerg geschafft. De Verdeedegungsministère confirméiert dat op Nofro hin.

De Vertrieder vun der Arméi seet, hien hätt Angscht, datt d'Dieren zum Flughafen zu Kabul schonn den Owend zou kéinte goen an dann och zou bleiwen. Dat géif bedeiten, datt keng Evakuatioune méi méiglech wieren. Hie selwer géif dowéinst och net méi op Kabul fléien, well ee Réckfluch op Islamabad eventuell net méi méiglech wier.

Éischt Leit si schonn evakuéiert

15 aner Leit sinn iwwerdeems de Moien zu Melsbroek gelant. Bei dëse Leit ass och déi Famill mat dräi Kanner derbäi, grad ewéi véier Persounen aus där hirem Ëmfeld. Et ass och eng Riichterin, déi am Afghanistan a Gefor war, mat hirer Famill zu Melsbroeck gelant. Si solle lo an den nächste Stonne mat engem Bus op Lëtzebuerg kommen.

Zwou aner Persoune vun der Lëscht ware schonn an Holland an a Frankräich gelant. Sechs weider Leit, déi och opgeholl solle ginn, goufe schonn a Spuenien evakuéiert, d'Europäesch Unioun hätt dat koordinéiert, seet de Jean Asselborn.

De Jean Asselborn an de François Bausch hunn op der Pressekonferenz ënnerstrach, datt et ouni d'Hëllef vun der Belsch an Holland net méiglech gewiescht wier déi Leit ze evakuéieren.

Méi zum Thema

A400M
Afghanistan

Déi néng Persoune mat Relatiounen zu Lëtzebuerg, déi am Afghanistan waren, kënnen elo evakuéiert ginn. Dat huet den Ausseminister Jean Asselborn eis op Nofro confirméiert.

Net verpassen

  • Offre d'emploi: Journaliste-présentateur/trice

    radio 100,7

    L'Établissement de Radiodiffusion Socioculturelle, opérateur de la radio de service public radio 100,7, recherche Un/e Journaliste-présentateur/trice sous contrat à durée indéterminée et à tâche complète (40h/semaine).

Programm

  • Virum Dag vu 6 bis 10

  • On air

    Sot emol - Laura Miller

  • Iwwer Mëtteg vun 11 bis 2

  • Resonanzen

  • Am Nomëtteg vun 3 bis 6

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen