NATO-Missioun Lëtzebuerger Arméi bleift an Afghanistan engagéiert

D'Bedeelegung vun der Arméi un der NATO-Missioun "Resolute Support" fir d'Formatioun an d'Ënnerstëtzung vun den afghanesche Sécherheetsforcë soll bis 2020 verlängert ginn. Nieft engem Lëtzebuerger Ënneroffizéier, soll vun dësem Hierscht un zousätzlech ee Lëtzebuerger Zaldot als Camions-Chauffeur zu Masar-e Scharif am Norde vun Afghanistan stationéiert ginn.

Serge Kesseler / ys

Lëtzebuerger Zaldot an Afghanistan
E Lëtzebuerger Zaldot an Afghanistan, am Kader vun der ISAF Missioun (Foto: Lëtzebuerger Arméi)

Déi aktuell Missioun vun der NATO an Afghanistan hat Ufank 2015 ugefaangen. Dat war nom Enn vun der ISAF-Missioun fir Sécherheet an Nei-Opbau, déi bis Enn 2014 gedauert huet, an un där Lëtzebuerg och bedeelegt war.

Déi aktuell NATO-Berodungs-Missioun géif nach vun der afghanescher Arméi gebraucht ginn, seet den Direkter vun der Defense Patrick Heck. Déi afghanesch Arméi hätt wuel Fortschrëtter gemaach, mee si kéint nach net komplett eegestänneg aktiv sinn. "Deemno huet d'NATO decidéiert, a mir hunn déi Decisioun mat gedroen, datt mir déi Beroder-Missioun vun der NATO wëlle weider féieren."

Präsenz bis 2020

Et wier och decidéiert ginn, en zweete Mann an Afghanistan ze schécken. Nieft engem Lëtzebuerger Ënneroffizéier, soll vun dësem Hierscht un zousätzlech ee Lëtzebuerger Zaldot als Camions-Chauffeur zu Masar-e Scharif am Norde vun Afghanistan stationéiert ginn. Déi Decisioun wier zesumme mat Däitschland geholl ginn, seet de Patrick Heck. Däitschland wier op Lëtzebuerg duerkomm an hätt eng Rëtsch Poste proposéiert.

Et wier elo geplangt, fir bis 2020 ze bleiwen. De Règlement Grand-Ducal, deen den Afghanistan-Asaz regelt, hätt misste verlängert ginn, sou de Patrick Heck.

D'Ziler vun der NATO-Missioun an Afghanistan hätten zënter 2015 net geännert, seet de Patrick Heck. Et géif dorëm goe fir déi afghanesch Arméi ze beroden. "Vum strategeschen, wéi een eng Arméi organiséiert, wéi een e Budget plangt, wéi e rekrutéiert, wéi een d'Leit forméiert bis hin zu taktescher Bewegung um Terrain."

Diskussioun iwwer Asaz "imposéiert sech"

Et wier net falsch, datt Lëtzebuerg solidaresch ass, an an Afghanistan engagéiert bleift, seet den CSV-Deputéierten a fréiere Verdeedegungsminister Jean-Marie Halsdorf. D'Situatioun um Terrain an Afghanistan sech awer an de leschte Jore verännert. Dofir wier et ganz wichteg, datt een am Fong iwwer d'Problematik sollt diskutéieren, a kucken ob et nach Sënn mécht do ze bleiwen oder net. "Also déi Diskussioun imposéiert sech. Mee Lëtzebuerg soll Solidaritéit weisen."

Den Deputéierte vun Déi Lénk Marc Baum wënscht sech eng Diskussioun doriwwer, ob d'Militärpräsenz an Afghanistan net méi schiedlech wéi nëtzlech wier.

Méi zum Thema

Rick Mertens Analys
Loftugrëff a Syrien

Déi däitsch Kanzlerin huet ausgeschloss, datt d'Bundeswehr sech u Militärugrëff a Syrien bedeelegt. Trotzdeem lueft d'Angela Merkel d'Virgoe vun hire westlechen Alliéierten. Wéi passt dat zesummen?

Matthias Kirsch Analys
Auslandschronik

D'Tierkei kämpft a Syrien géint d'Kurden. De Konflikt ass och e Message un d'USA, déi d'Kurden ënnerstëtzen. Eng Konfrontatioun tëscht den NATO-Partner géif dem Al-Assad an d'Hänn spillen.

Christian Schleck
Arméi

An Zukunft géif bei der Arméi méi an technesch Beräicher investéiert ginn. Et misst sech d'Fro gestallt ginn, ob een déi néideg Ressourcen dofir huet, seet de President vun der Arméigewerkschaft SPAL.

Afghanistan-picture alliance
Asylpolitik

Déi Lëtzebuerger Plattform "Afghanistan is not safe", déi sech géint Retouren an dat Land asetzt, gleeft net richteg drun, datt den Ausseministère tatsächlech kuerzfristeg dräi Afghane wäert zréck an hir Heemecht schécken.

Net verpassen

  • Live aus der Philharmonie

    Schubert a Rossini

    De Franz Schubert an den Gioacchino Rossini: Béid Komponisten hunn der Musekswelt Wierker hannerlooss, déi si net méi fäerdeg kruten. Dat ass de roude Fuedem vum Concert mam Philharmoneschen Orchester Lëtzebuerg en Donneschdeg, den 12. Dezember 2019, deen de radio 100,7 vun 20:00 Auer u live aus der Philharmonie iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen