Webinar Lëtzebuergesch an der Schoul

Wéi eng Forme Lëtzebuergesch kommen am Bildungssystem vir? Wéi setzt et sech gemeinsam mat de Friemsproochen zu enger multilingualer Sproochenausbildung zesummen? Doriwwer hu véier Enseignanten an enger Diskussiounsronn geschwat. Organiséiert gouf d'Ronn vum SCRIPT a vum radio 100,7.

Tessy Troes / cbi

Webinar Lëtzebuergesch an der Schoul

Lëtzebuergesch wier d'Léier- an Integratiounssprooch am méisproochegen Educatiounssystem, do waren d'Experte Flore Schank, d'Simone Bleser an d'Maisy Gorza sech eens.

Lëtzebuergesch an der Grondschoul

Eng gemeinsam Sprooch géif bei de Kanner och séier hir staark Sprooch ginn. 2019 hätte just nach 34 Prozent vun de Kanner an der Grondschoul Lëtzebuergesch als Mammesprooch gehat, seet d'Flore Schank: Lëtzebuergesch wier dofir net d'Alldagssprooch fir vill Schüler.

D'Majoritéit vun den Enseignanten dogéint wiere Lëtzebuergesch Mammesproochler. Dowéinst misst vill um Bewosstsinn vun den Enseignantë geschafft ginn, a wéi enger Form vun der Sprooch géing benotzt ginn a wou hir Kompetenzen am beschten zum Asaz kommen.

Lëtzebuergesch am Lycée

Am Lycée soll d'Lëtzebuergesch an Zukunft och u Presenz gewannen.

Vum nächste Joer u soll och am Lycée Michel Rodange ee Pilotprojet fir d'Sektioun A lafen, esou d'Shari Schentgen: nieft Italienesch a Spuenesch kënnen d'Schüler och Lëtzebuergesch als zousätzlech Sprooch wielen.

An den internationale Schoulen, wéi zum Beispill zu Déifferdeng an Esch, wou d'Simone Bleser ënnerriicht, gi Coursë wéi Sport a Musek op Lëtzebuergesch gehalen. De Prinzip an de Klasse wier, datt ee vun deem anere soll léieren. Dat géif sech jo och an der Zesummesetzung vun hire Klassen erëmspigelen, wou Mammesproochler mat Schüler gemëscht ginn, déi nach keen Accès zum Lëtzebuergeschen haten.

Duerch déi weider Coursë géif och d'Nofro fir pedagogescht Material wuessen: bis ewell géif et awer nach ee Manktem u Léiermaterial fir Lëtzebuergesch als Friemsprooch ze léieren.

Och bei den Erwuessene géif et eng erhéichten Nofro fir Lëtzebuergesch Coursë ginn: dëst besonnesch bei Leit, déi d'Lëtzebuerger Nationalitéit wéilten unhuelen oder op Aarbechtssich wieren.

D'Invitéeë fir d'Diskussiounsronn waren:

  • Flore Schank, institutrice-attachée, éducation plurilingue et interculturelle; pédagogie et didactique des apprentissages, Service de l'enseignement fondamental du ministère de l'Éducation nationale, de l'Enfance et de la Jeunesse;
  • Simone Bleser, Lëtzebuergesch-Professesch, École Internationale de Differdange & Esch-sur-Alzette;
  • Maisy Gorza, Direktesch f.f. vum Institut national des langues;
  • Shari Schenten, Professesch, Presidentin vun der Programmkommissioun vum Lëtzebuergeschen am Enseignement secondaire;
  • Moderatioun: 100,7.

Méi zum Thema

Webinar - Kodéieren an der Grondschoul
Webinar vun 100komma7 a vum SCRIPT

Computational Thinking ass eng Denkweis déi hëllefe soll alldeeglech Problemer ze léisen. Duerch dës Method solle speziell Kanner a Jugendlecher d'Welt ronderëm sech besser verstoen. Wéi wichteg ass den Opbau vun där Kompetenz fir Jonker?

Webinar Live Foto Live
SCRIPT

D'Coronavirus-Pandemie huet vill Gewunnechten op d'Kopp gestallt a vill Jonker hu mat Onsécherheeten ze kämpfen, wat hir Zukunft ugeet. Fir doriwwer ze schwätzen huet den Educatiounsministère e Webinar mam radio 100,7 organiséiert.

Net verpassen

  • Offre d'emploi: Programmchef/fin

    radio 100,7

    Den Etablissement de Radiodiffusion Socioculturelle, deen de radio 100,7 bedreift, sicht en/eng neie/nei Programmchef/fin mat engem Aarbechtsvertrag op onbestëmmten Dauer (CDI) fir 40 Stonnen d'Woch.

Programm

  • Notturno

  • On air

    Weekend-Magasinn

  • Noriichten

  • Grousse Kino

  • Noriichten

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen