Covid-Gesetz "Logesch, wann de Staatsbudget dat iwwerhuele géif"

De Verband vun de Prestatairen am Beräich vun der Fleeg ass prinzipiell averstane mat der geplangter Testflicht fir d'Personal an den Alters- a Fleegeheemer. Dat gëtt d'COPAS an hirem Avis, deen de Moie publizéiert gouf, ze verstoen. Allerdéngs, sou de COPAS-President Marc Fischbach, bréngt déi Testflicht eng Rei Erausfuerderunge fir d'Prestataire mat sech.

Christiane Kleer / cbi

Marc Fischbach
De Marc Fischbach ass President vun der COPAS. Foto: Archiv

Lauschteren


Den éischten Defi wier dee vun der Organisatioun vum Personal, sou de Marc Fischbach. De Gesetzprojet fir dat neit Covid-Gesetz gesäit jo vir, datt Personal, wat net geimpft oder geheelt ass, sech zweemol an der Woch obligatoresch muss testen. Wien déi Tester refuséiert, kann net schaffe kommen. Ënner dem Stréch falen déi Persounen also aus a missten ersat ginn.

An dësem Fall misst dann op anert Personal zeréckgegraff ginn, wat zwar do wier, mee wat da misst Iwwerstonne maachen oder aus Weekends oder aus der Fräizäit zeréckgeruff ginn, an dat wier net evident, gëtt de Marc Fischbach ze bedenken.

Wien iwwerhëlt d'Käschten?

Doriwwer eraus wier nach ze klären, ënner wéi enger Form den net-getesten Salarié da fräigestallt gëtt. Fir de President vun der COPAS stellt sech d'Fro, wéi dëse Congé gehandhaabt gëtt a wien déi Käschten, déi mat der Absence vum concernéierte Salarié zesummenhänken, géif iwwerhuelen.

Fir de Marc Fischbach ass awer kloer, datt den Employeur dës Käschten net kéint iwwerhuelen, "well deen huet jo keng Decisioun geholl, deen huet sech enger legaler Flicht ënnerworf". Fir de President vun der COPAS ass deemno kloer, datt de Staatsbudget dat géif iwwerhuelen.

Klärungsbedarf gesäit d'COPAS am Gesetzesprojet ënner anerem och nach beim Dateschutz: bis elo war jo kee Salarié gehalen, sengem Patron iwwerhaapt matzedeelen, ob e geimpft ass oder net.

Méi zum Thema

Paulette Lenert a Xavier Bettel
Lockerungen

D'Situatioun wier am Moment ënner Kontroll, sou de Premier Xavier Bettel de Mëtteg um Briefing nom Regierungsrot. All d'Parametere géifen an déi richteg Richtung weisen an d'Impfung géifen däitlech hir Wierkung weisen.

Net verpassen

  • 17.10. De Gudden Toun

    De Gudden Toun.jpg

    Wann d'Deeg méi kal, gro a kuerz ginn, stécht deen een oder anere vläicht de Kapp nees méi an déi sozial Medien. An der Oktober Editioun schwätzen de Roland Meyer, Ian De Toffoli, Raoul Biltgen, Jeff Schinker an d'Anne Klein.

Programm

Dossieren

  • CinÉast 2021

    Et ass déi véierzéngt Editioun vum CinÉast Filmfestival. Vum 7. bis de 24. Oktober ginn Featuren a Kuerzfilmer aus Länner aus Mëttel- an Osteuropa gewisen. Siwe Filmer sinn an der Kompetitioun.

  • Bundestagswal 2021

    Däitschland wielt de Samschdeg, 26. September en neie Bundestag. Wat sinn d'Enjeuen, wie gëtt Kanzler oder Kanzlerin, wéi verleeft d'Wahlkampagne. An eisem Dossier zum Theema Bundestagswal gidd Dir alles gewuer.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen