Kontext Verfassungsreform LSAP ass fir en eenheelteche Wahlbezierk
D'LSAP ass fir een eenheetleche Wahlbezierk, seet den LSAP-Fraktiounschef Alex Bodry. Hannergrond ass e Bréif vum Premier Xavier Bettel en vue vun enger Reform vum Wahlgesetz, op deen d'Parteie bis gëschter hir Positioun - ënner anerem zu de Wahlbezierker an den duebele politesche Mandater - sollte matdeelen. Déi zwee Aspekter sinn an der Verfassung verankert a sollen och an der geplangter Verfassungsreform net geännert ginn.
Et géif kee politesche Konsens ginn, fir manner vum Wahlsystem an d'Verfassung ze schreiwen an dem Wahlgesetz méi Méiglechkeeten ze ginn, esou den Alex Bodry. D'Diskussioun ronderëm d'Wahlgesetz wier senger Meenung no trotzdem keng pro-Forma Diskussioun.
Bis elo hätt kee sech getraut, dat "Tabu-Thema" oppen unzeschwätzen, sou den LSAP-Fraktiounspresident.
"Jiddwer Wahlsystem ass och gebueren aus der nationaler Geschicht an de Besonneschkeeten, déi sech national erginn. Dat ass och beim Lëtzebuerger Wahlsystem de Fall. Mee mir wëssen awer och, datt e seng Ongereimtheeten huet. Datt en net perfekt ass. An dofir soll een un engem bessere Wahlsystem weider schaffen."
LSAP ka sech Ännerungen um Panachage-System virstellen
Et wier wichteg, datt Lëtzebuerg duerch d'Verfassung eng gewëss Stabilitéit a sengem Wahlsystem huet, esou nach den Alex Bodry. Et wier "eng Katastroph", wann dee System bei all neier politescher Majoritéit erëm kéint änneren, sou den Alex Bodry.
Et kéint een net einfach den aktuelle Wahlsystem op en eenzege Wahlbezierk transposéieren an deem een da 60 Stëmmen zegutt hätt, sou den Alex Bodry. De selwechte Moment misst een, dem LSAP-Fraktiounspresident no, och driwwer nodenken, ob een de System vum Panachage "an Zukunft op nëmme méi zwou oder maximal dräi Lëschten" sollt limitéieren.
An der Mediathéik:
LauschterenMéi zum Thema
Dossier
Verfassungsreform
D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.
"Net-Lëtzebuerger fir Lëtzebuerger Politik interesséieren"
Iergendwann misst de Moment kommen, wou ee sech do politesch interesséiert, wou ee schafft, seng Steiere bezilt a seng Kanner an d'Schoul ginn. Dat seet déi nei Presidentin vun CSV International, d'Daniela Moraru.
Politeschen Accord vu qualifizéierter Majoritéit fonnt
De Rapport zur neier Verfassung gouf ugeholl. Et wëll een et awer der nächster Chamber iwwerloossen, iwwer de ganzen Text ofzestëmmen. E Referendum soll eréischt no den Europawahlen 2019 stattfannen.
"Logesch, datt de Referendum sollt gemaach ginn"
D'CSV wëllt d'Prozedur fir eng nei Verfassung begleeden an ënnerstëtzen, egal ob d'Partei no de Chamberwahlen an der Majoritéit oder an der Oppositioun ass. Dat seet de Spëtzekandidat Claude Wiseler.
"Keng sou einfach Affär"
Et géif si wonneren, wann d'DP vum Referendum iwwer déi geplangten nei Verfassung géif ofgesinn, seet d'Simone Beissel. D'Populatioun misst minimum sechs Méint am Virfeld informéiert ginn.
Referendum iwwer d'Verfassungsreform oder net?
Déi nei Verfassung wäert fréistens Mëtt 2020 a Kraaft trieden, mengt den LSAP-Deputéierten Alex Bodry. Den Nach-CSV-Verfassungspiecher Paul-Henri Meyers ass perséinlech géint de Referendum.
E Verfassungstext nach virun de Wahlen
De Paul-Henri Meyers geet dovun aus, datt ee sech nach virun der grousser Vakanz iwwer de Verfassungstext wäert eens ginn. Deen Text soll dann an der neier Legislatur gestëmmt ginn.
Meenung
"D'Debatt iwwer déi ganz Verfassungsreform muss elo ulafen!"
Ee Mount nom Referendum fënnt de Michel Pauly, dass et Zäit gëtt, an aller Ëffentlechkeet iwwert di ganz Verfassungsreform ze diskutéieren, fir dass d'Resultat och dem Vollék säi Wëllen erëmspigelt.
