Demokratesch Partei Mindestloun: "LSAP deelt Cadeauen aus"

Beim Mindestloun bleift d'DP bleift hirer Positioun. Eng Hausse vum Mindestloun wär fir d'demokratesch Partei kuerzfristeg kéng Prioritéit, sot de liberale Fraktiounschef Eugène Berger. Den Nicolas Schmit huet proposéiert de Mindestloun eropzesetzen. Den LSAP-Aarbechtsminister wéilt viru Chrëschtdag a virun de Wahlen Cadeauen ausdeelen, sou den Eugène Berger.

Pierre Reyland

Eugène Berger
Eugène Berger

Et wier normal, datt et an der Regierungskoalitioun viru Wahlen ënnerschiddlech Positioune gëtt, seet den Eugène Berger. D'DP hätt ugefaangen, hire Wahlprogramm fir d'Chamberwahlen auszeschaffen. Beim Mindestloun hätten déi Liberal sech laangfristeg nach net festgeluecht. Den Ament wier eng Hausse vum Mindestloun awer kéng Prioritéit fir d'DP, sou den Eugène Berger.

Den LSAP-Aarbechtsminister Nicolas Schmit hat sech e Mëttwoch op RTL Radio derfir ausgeschwat, de Mindestloun an Tranchen a no Verhandlunge mat de Sozialpartner eropzesetzen.

Den LSAP-President Claude Hagen sot dem radio 100,7, d'Eropsetze vum Mindestloun wier kuerzfristeg deen eenzege Moyen, fir dem Aarmutsrisiko an deenen héije Liewenskäschten zu Lëtzebuerg entgéint ze wierken. D'LSAP géif do weider Drock maachen. Eng Hausse vum Mindestloun géif an der LSAP hire Programm fir d'Chamberwahle mat afléissen.

Chrëschtdagscadeau vun der LSAP

"Fir eise Wahlprogramm hu mir eis nach net festgeluecht", seet den Eugène Berger. D'DP hätt ugefaangen Aarbechtsgruppen ze schafe fir de Wahlprogramm auszeschaffen. Am Fréijoer wéilt een e virstellen. De liberale Fraktiounschef huet drop higewisen, datt dës Regierung villes gemaach hätt fir deene sozial Schwaachen an der Gesellschaft ënner d'Äerm ze gräifen.

Datt en LSAP-Minister elo eng séier Upassung vum Mindestloun fuerdert wier drop zeréck ze féieren, datt geschwë Chrëschtdag a Wahle wieren, an datt d'LSAP gär Cadeaue géif ausdeelen.

Pierre Gramegna: E kompetente Kandidat

Zu der Kandidatur vum Lëtzebuerger Finanzminister, fir President vum Euro-Grupp ze ginn, seet den Eugène Berger: De Pierre Gramegna hätt ville Kompetenze bewisen, op nationalem an op europäeschen Niveau. An hien hätt zu Lëtzebuerg ee Paradigmewiessel an der Finanz- a Steier-Transparenz ëmgesat. Dat wier positiv fir seng Chancë beim Vott, e Méindeg (4. Dezember), wou de Choix tëscht de véier Euro-Grupp-Chef Kandidate gemaach gëtt.

D'Tatsaach, datt mam Kommissiounspresident Jean-Claude Juncker schonn e Lëtzebuerger op engem héijen EU-Posten ass, kéint awer géint de Pierre Gramegna spillen, sou den Eugène Berger.

Stock-Options: Circulaire eng praktesch Léisung

Déi nei Circulaire iwwert d'Stock-Options wier kee "Copy paste" vun där aler, äntwert den Eugène Berger op d'Fro, fir wat de Pierre Gramegna awer net decidéiert huet, fir deen ëmstriddene Regimm vun de Stock-Options iwwert e Gesetz nei ze reegelen. Firme kënne jo d'Salairë vu verschiddenen Employéen (cadres supérieurs) an der Form vu Stock-Options bezuelen, op deenen sinn dann däitlech manner héich besteiert ginn.

Trotz dem Konsens ënnert de Parteie wier et net méiglech, séier e neit Gesetz ze maachen, sou den Eugène Berger. Eng nei Circulaire, déi de Besteierungs-Taux vun de Stock-Options vu 17,5 op 21 Prozent eropsetzt, wier eng gutt praktesch Léisung. Et misst een elo déi detailléiert Etüd iwwert d'Stock-Options ofwaarden, an dann déi néideg Decisiounen huelen.

"Gutt Ambiance" bei der DP

Déi vill diskutéiert Demissioun vum Marc Ruppert als DP-Generalsekretär wier keen Zeeche vun engem Konflikt tëscht der Parteibasis an der Parteileedung, seet den Eugène Berger.

Et hätt vläicht "Meenungsverschiddenheeten" tëscht dem Marc Ruppert an der Partei-Presidentin Corinne Cahen ginn. Dat wier awer keen Zeeche vun enger déiwer Onzefriddenheet bei der DP-Basis.

An der Mediathéik:

Invité vum Dag / / Pierre Reyland
Lauschteren

Méi zum Thema

Steiertaux op Stock Options soll an d'Luucht goen
Steierpolitik

D'Stock Options-Circulaire soll ofgeschaaft an en neie Regime gesetzlech festgehale ginn, fuerdert d'CSV an enger Motioun. Dës gouf net ugeholl. De Steiertaux op de Stock Options soll awer erhéicht ginn.

Net verpassen

  • Offre d'emploi: Journaliste-présentateur/trice

    radio 100,7

    L'Établissement de Radiodiffusion Socioculturelle, opérateur de la radio de service public radio 100,7, recherche Un/e Journaliste-présentateur/trice sous contrat à durée indéterminée et à tâche complète (40h/semaine).

Programm

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen