Regierungsbildung LSAP-Gremie fir Regierungsbedeelegung

D'LSAP soll an d'Regierung goen: dat gouf gëschter am Centre Barblé zu Stroossen decidéiert. D'Parteigremien hu mat däitleche Majoritéite fir de Regierungsprogramm gestëmmt a fir déi sechs Leit, déi de Mëttwoch Mëtteg am Palais als LSAP-Ministere vereedegt wäerte ginn. Dorënner sinn déi béid Fraen Taina Bofferding a Paulette Lenert, déi allebéid nei an d'Regierung kommen. Um ganz laangen LSAP-Kongress goufen et 20 Wuertmeldungen. Kritesch Téin koume wéi erwaart vun de Vertrieder vun de Jongsozialisten.

Serge Kesseler / cz

Extraordinären LSAP-Kongress
D'LSAP-Parteigremien hu mat däitleche Majoritéite fir de Regierungsprogramm an hier Ministere gestëmmt (Foto: Serge

Den neie Koalitiounsaccord wier e gudde Programm fir d'LSAP a fir d'Land, sot de Parteipresident Claude Haagen a senger Ried um Kongress. Trotz hirem Verloscht vun dräi Sëtz, hätt d'LSAP vill vun hire Fuerderungen an den Accord kritt, huet den alen an neie Vize-Premier Etienne Schneider ënnerstrach.

Et wiere ganz dacks ganz hektesch Diskussioune gewiescht, mee d'LSAP hätt sech op deene Punkten duerchgesat, déi fir d'Partei wichteg waren. Op anere Punkten hätt ee Kompromisser fonnt, "mat deene mir gemengt hu kënnen ze liewen".

Den Etienne Schneider huet gëschter Owend ugekënnegt, datt déi nei Regierung den neisten Zuelen no, an Zukunft mat am Schëtt pro Joer 400 Milliounen Euro zousätzlech u Steierrecettë géif rechnen.

LSAP-Partei-Basis: Weider vill Kritik a Wonsch no Erneierung

An de Wuertmeldungen um LSAP-Kongress gouf ëmmer erëm eng personell Erneierung bei der Partei gefuerdert. Den Delegéierte Pascal Hansen huet d'Debatten aus de leschte Woche kritiséiert. "Als eenzeg Kärkompetenz schénge mir am Moment just Personaldebatten ze hunn. Wat een Aarmut."

Kritik gouf et och un de Minister-Ressorten, déi d'LSAP fir déi nächst fënnef Joer huet: et wier wichteg, déi Themen ze besetze fir déi sozial Problemer ze léisen, a sech generell thematesch méi breet opzestellen, och beim Klimaschutz, huet et geheescht. Neit Personal bei der LSAP huet och de Fabio Secci gefuerdert. "Et hunn einfach e puer Leit an dëser Partei de Verfallsdatum erreecht."

De Vertrieder vun de Jongsozialiste Georges Sold huet dorun erënnert, datt den Etienne Schneider virun de Wahle versprach hätt, scho bei engem Sëtz Verloscht an d'Oppositioun wëllen ze goen.

"Mir hunn elo dräi Sëtz verluer. Ok Etienne, du sees, dat läit un eisem Wahlsystem. Eise Wahlsystem erméiglecht et awer och, datt elo eng Regierung gebilt gëtt, déi emol net d'Hallschent vun de Stëmme kritt. D'Majoritéit ass géint Gambia. 83 Prozent si géint d'LSAP. Mir sinn op engem historeschen Déif. An trotzdeem, Etienne, waars du nach den éischten um Wahlowend, fir nees an d'Regierung ze goen. Wou ass do deng Glafwierdegkeet. Ech verstinn et net an do baussen versteet keng Sau et."

"Historesch Flicht fir an d'Regierung ze goen"

Bei der LSAP wier eng Partei-Reform néideg, esou den Delegéierten a Partei-Lénken Nando Paqualoni: hien huet sech bereet erkläert, de Programm vu Gambia 2 ze ënnerstëtzen.

"Aus menger Siicht ass et méi en Anti-CSV-DP-Vott, wéi ee Pro-Gambia-Vott. Dat wëll ech hei awer däitlech soen. Vill Leit, virun allem a gewerkschaftleche Kreesser maache sech déi selwecht Gedanken. Ech verstinn och de Frust vun de Jongsozialisten. Mat enger ganzer Rei vu Saachen, déi hei gesot gi sinn, kann ech mech och identifizéieren."

Mat de Jusoe missten Diskussioune gefouert ginn, esou sengersäits den Escher Gemenge-Conseiller Mike Hansen.

"Et ass eis historesch verdammte Flicht a Chance, fir d'Pafen eng zweete Kéier hannerteneen an d'Oppositioun ze schécken. Vu menger Säit ass dat sécher kee "Jo" fir Gambia 2, mee et ass e groussen Nee géint d'CSV."

"Net alles schwaarz molen"

Eng ganz Rei aner Stëmme gëschter Owend um LSAP-Kongress hu sech mat kloert Wieder fir de Koalitiounsaccord a fir eng weider LSAP-Regierungsbedeelegung ausgeschwat, esou zum Beispill de fréiere Minister Robert Goebbels.

"Wa mir an d'Oppositioun ginn, da gëtt mat Sécherheet de Wiseler awer Premierminister an de Luc Frieden Kommissär zu Bréissel, a se freeë sech. An den Här Bettel huet keng Problemer - well en hat dat schonn dräi Deeg virun de Wahlen op RTL gesot - fir Ausseminister ze ginn. Da kréie mer en Ausseminister dee "poli" ass an deen ni zu engem Faschist wäert "Merde alors" soen."

Vun 2013 bis 2018 hätt d'Dräier-Koalitioun net versot, esou sengersäits den alen an neien Ausseminister Jean Asselborn.

"Kee géif dat verstoen, wa mir deen historesche strategesche Feeler maachen an haut alles schwaarz molen a mengen aus dem Düstere vum Tunnel kéinte mer net nei Weeër fanne fir eis nei opzebauen."

No de ville Wuertmeldungen huet den Etienne Schneider zum Zoustand vu senger Partei gesot, datt et net hir Politik oder den Alter vun de Mandatairë wier, déi d'LSAP géif futti maachen. Schold doru wiere vill méi déi geleakten Interna an déi ëffentlech Bréiwer, "vu Leit déi sech zum groussen Deel, weder an iergendee Gremium vun der Partei wiele gelooss hunn, nach an iergendengem Aarbechtsgrupp matgeschafft hunn, nach sech soss iergendwéi an déi Partei hei abréngen. An ech soen iech Komerodinnen a Komeroden, dat ass gëtt een desastréist Bild vun eiser Partei no baussen of."

Zum Schluss huet den LSAP-Kongress gëschter Owend fir de Koalitiounsaccord gestëmmt, an de Generalrot huet fir déi sechs LSAP-Ministere votéiert.

An der Mediathéik:

Aktuelles / / Serge Kesseler
Lauschteren

Méi zum Thema

Ennerschreft vum Koalitiounsaccord
Regierung

DP, déi gréng an LSAP hunn an hire respektive Gremie fir eng nei Oplag vun der Dräierkoalitioun gestëmmt. Um LSAP-Kongress gouf et awer och vill Kritik.

Fernand Kartheiser
Koalitiounsaccord

Déi nei Regierung géif eng lénk Politik maachen, an de Koalitiounsaccord wier ideologesch ausgeluecht, seet de Fernand Kartheiser. LSAP, DP an déi gréng géifen e Familljemodell imposéieren.

Den Etienne Schneider, de Xavier Bettel, d'Corinne Cahen an de Félix Braz.
Chamberwahlen 2018

DP, déi gréng an LSAP hunn no annerhallwem Mount Verhandlungen ee Regierungsprogramm ënnerschriwwen. Eng éischt Analys vun den 246 Säiten, iwwer déi d'Parteigremien nach mussen ofstëmmen.

Ennerschreft vum Koalitiounsaccord
Chamberwahlen 2018

De Koalitiounsaccord vun 236 Säite vun DP, LSAP an déi gréng gouf ënnerschriwwen. D'Parteigremie vun den dräi Parteie mussen dem Accord nach zoustëmmen, éier d'Regierung e Mëttwoch vereedegt soll ginn.

Claude Wiseler
Chamberwahlen 2018

De Claude Wiseler trëtt net méi als CSV-Fraktiounschef un. Hie wëll déi nächst fënnef Joer op Dossiere schaffen, déi hien interesséieren, dorënner Aussepolitik, Kultur- an Educatiounspolitik.

Jean-Jacques Rommes a Marco Wagener
Riicht Eraus

0,5 Prozent vun den Entreprisë bezuelen d'Hallschent vun de Betribssteieren. D'Patronatsorganisatioune fuerderen dowéinst eng Baisse vum Steiersaz. Am CES plädéiert d'Salariat dogéint fir d'Aféiere vun engem Mindeststeiersaz fir Betriber.

Den Etienne Schneider, de Xavier Bettel, d'Corinne Cahen an de Félix Braz
Koalitiounsverhandlungen

Nom Ofschloss vun de Koalitiounsverhandlunge gouf d'Verdeelung vun de Ministèrë vum Formateur Xavier Bettel bekannt gemaach. D'Gremie vun den dräi Parteie mussen elo nach d'Personalien ofseenen.

Serge Kesseler Réckbléck
Politesche Wocheréckbléck

Déi nei Regierung soll d'nächst Woch vum Grand-Duc vereedegt ginn. D'Verhandlunge goufen dës Woch ofgeschloss an éischt Mesurë goufe scho presentéiert. E Réckbléck mam Serge Kesseler.

Programm

  • Resonanzen

  • On air

    Spektrum

  • Noriichten

  • Ënnerwee

  • Panorama

Dossieren

  • Mënscherechter

    Den 10. Dezember 1948 sinn zu Paräis déi universell Mënscherechter deklaréiert ginn. Um 70. Joresdag vun dëser Deklaratioun steet de Programm vum radio 100,7 ganz am Zeeche vun de Mënscherechter.

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Offre d'emploi: Directeur général (M/F)

    L'Etablissement de Radiodiffusion Socioculturelle, opérateur de la radio de service public radio 100,7, recherche un directeur général (m/f)

  • Communiqué du Conseil d’administration du 100,7

    Le Conseil a décidé de créer un comité de transition présidé par Mme Nancy Braun pour la période du 15/12/2018 jusqu'à l'entrée en fonction du nouveau Directeur (m/f). Mme Michèle Vallenthini est nommée suppléante.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen