Chamberwahlen 2018 "LSAP-Parteispëtzt muss Konsequenzen zéien"

Den LSAP-Parteipresident Claude Haagen an den LSAP-Generalsekretär Yves Cruchten missten aus dem Wahlechec vun de Sozialiste Konsequenzen zéien. Dat fuerdert de Sammy Wagner, den LSAP-Schäffe vu Stengefort a fréiere President vun de Jongsozialisten. D'LSAP huet mat zéng Sëtz bei de Chamberwahlen dat schlechtst Resultat an der Nokrichszäit gemaach. D'Sozialisten hunn déi lescht Europawahlen, d'Gemengewahlen an elo dës Wahle verluer, all Kéier mat der selwechter Parteispëtzt.

Mick Entringer / cz

Sammy Wagner
Sammy Wagner

"Ech mengen do kann een d'Rechnung ganz einfach maachen. Et muss ee kucke vu wéini un déi Leit am Amt sinn. Mir hunn e Generalsekretär deen zanter 2010 am Amt ass, zanterhier hu mir all Wahl verluer. Mir hunn e Parteipresident deen zanter 2014 am Amt ass. Mir hunn awer all Wahl verluer."

Dës Leit géifen awer maassgeeblech d'Ausriichtung vun der Partei maachen. Si wiere vläicht gutt Politiker, déi vläicht exzellent Aarbecht an der Chamber géife maachen, "mee sinn hu vläicht net déi richteg Léisunge fir dës Partei fir fir d'Zukunft ze maachen", seet de Sammy Wagner. "An do erwaarden ech mir, datt do vläicht Konsequenze kommen."

Brauch een d'Sozialisten iwwerhaapt nach?

Dës Fro misst misst ee sech intern elo stellen. "Well déi Fro ka jo kee méi vun den Alagesiessenen eis beäntwerten, déi zwar wonnerbar Scorë bei de Wahlen era fueren, mee wéi geet et mat der Partei weider", freet de Sammy Wagner? Dat wier d'Fro déi gekläert misst ginn. "Mir mussen elo den Interêt vun den eenzele Leit, hannert den Interêt général vun der Partei setzen a vum Land setzen", sou de Sammy Wagner.

D'Sozialiste misste sech och erëm fir aner Theme staark maachen. "Firwat musse mir de Wirtschaftsministère iwwerhuelen?", freet de Sammy Wagner. Gläichzäiteg fuerdert hien, datt de Famillen- an de Kulturministère zu deenen Haiser gehéiere sollten, déi d'Sozialisten an de Verhandlunge misste revendiquéieren.

Wagner: "Ganz douce rout Linnen"

D'Partei misst personell erneiert ginn, mat Fraen a Jonken. Fir d'Koalitiounsverhandlungen hunn d'Sozialisten dräi rout Linne festgehalen: Mindestloun, Index a Pensiounen. D'38-Stonne-Woch an déi sechst Congéswoch zielen net dozou.

Déi dräi rout Linne wieren esou formuléiert ginn, "Et sinn awer ganz douce rout Linnen. Ech mengen net datt dat dote vu vir eran e Problem bei deenen anere Koalitiounspartner duergestallt huet", sou de Sammy Wagner.

An der Mediathéik:

Invité vum Dag / / Mick Entringer
Lauschteren

Méi zum Thema

Philippe Poirier
Chamberwahlen 2018

D'LSAP an d'CSV hätte bei dëse Wahle Stëmme verluer wéinst engem strukturelle Problem vum Elektorat. Dat seet de Politolog Philippe Poirier. Déi politesch sozialistesch a chrëschtlech-sozial Kulturen wiere mëttlerweil méi kleng ginn.

Laurent Zeimet, Marc Spautz, Claude Wiseler, Martine Hansen
Chamberwahlen 2018

Bei der CSV goufen den Dënschdeg den Owend nach keng personell Entscheedungen ugekënnegt. Eréischt wann eng nei Regierung steet, géifen definitiv Personalentscheedunge geholl ginn. Dat sot de Claude Wiseler nom Nationalrot.

Serge Wilmes
Chamberwahlen 2018

De Serge Wilmes ass prett Verantwortung an der CSV ze iwwerhuelen, fir den Erneierungsprozess vun der CSV "aktiv mat an d'Hand ze huelen". D'Martine Hansen soll wëlle Fraktiounscheffin ginn.

Wiseler Spautz.jpg
Chamberwahlen 2018

Wou d'Rees hi geet, dat wëllt de Claude Wiseler dem CSV-Nationalrot den Dënschdeg den Owend soen. Dee Moment géif hien och d'Ëffentlechkeet "net nëmme prinzipiell, mee och ganz am Detail", informéieren.

Martine Solovieff
Chamberwahlen 2018

D'Procureure Générale Martine Solovieff gouf vum Grand-Duc zum Informateur genannt. Dat huet de groussherzoglechen Haff de Méindeg annoncéiert. Vertrieder vun déi gréng, DP an LSAP betounen de Wëllen, fir weider zesummen ze regéieren.

chamber.jpg
Chamberwahlen 2018

60 Deputéiert goufe bei de Chamberwahle gëschter gewielt. Eng ganz Partie Deputéiert sinn net méi an der Chamber vertrueden, eng Rëtsch anerer wäerten eng éischte Kéier ee Mandat am Parlament untrieden.

Jean-Claude Franck
Chamberwahlen 2018

Et gouf Stëmmeverloschter fir d'CSV, d'LSAP an d'DP, zu Gonschte vun déi gréng, de Piraten an och der ADR. Dat ass de Resumé vun de Chamberwahlen. De radio 100,7-Chefredakter Jean-Claude Franck analyséiert.

Programm

  • Resonanzen

  • On air

    Spektrum

  • Noriichten

  • Ënnerwee

  • Panorama

Dossieren

  • Mënscherechter

    Den 10. Dezember 1948 sinn zu Paräis déi universell Mënscherechter deklaréiert ginn. Um 70. Joresdag vun dëser Deklaratioun steet de Programm vum radio 100,7 ganz am Zeeche vun de Mënscherechter.

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Offre d'emploi: Directeur général (M/F)

    L'Etablissement de Radiodiffusion Socioculturelle, opérateur de la radio de service public radio 100,7, recherche un directeur général (m/f)

  • Communiqué du Conseil d’administration du 100,7

    Le Conseil a décidé de créer un comité de transition présidé par Mme Nancy Braun pour la période du 15/12/2018 jusqu'à l'entrée en fonction du nouveau Directeur (m/f). Mme Michèle Vallenthini est nommée suppléante.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen