Chambre de Commerce Luc Frieden neie President

De fréieren CSV-Minister Luc Frieden ass neie President vun der Chambre de Commerce: dat gouf de Moien an der Assemblée plénière constituante bei der Handelskammer um Kierchbierg decidéiert. Et ass déi éischte Kéier, datt e Vertrieder vum Finanzsecteur President vun dëser Beruffschamber gëtt.

Serge Kesseler / cbi

Luc Frieden an Etienne Schneider
Den neie President vun der Chambre de Commerce Luc Frieden an de Vizepremier Etienne Schneider

Nofolger vum Michel Wurth un der Spëtzt vun der Chambre de Commerce ass elo fir déi nächst fënnef Joer de Luc Frieden: den Affekot a President vum Verwaltungsrot vun der BIL war Ufank Mäerz e vu 25 effektive Membere vum Decisiouns-Organ vun der Chambre de Commerce ginn.

De Luc Frieden huet ugekënnegt, de President vun alle Secteure vun der Ekonomie wëllen ze sinn, déi d'Chambre de Commerce mat hiren iwwer 90.000 Memberbetriber vertrëtt.

No senger Nominatioun huet den neie President Luc Frieden de Moien de Büro vun der Chambre de Commerce zesummegestallt: de Fernand Ernster bleift Vize-President an déi zwee nei Vize-Presidente sinn d'Valérie Massin an den Alain Rix. D'Zuel vun de Vize-Presidente bei der Handelskammer huet sech vu bis elo véier op dräi reduzéiert.

Presidéiert gouf d'Assemblée bei der Handelskammer vum Wirtschaftsminister: den Etienne Schneider huet un déi gemeinsam Regierungszäit erënnert. De Luc Frieden wier emmer een Alliéierte fir d'Cause vun der Ekonomie gewiescht, esou den LSAP-Politiker iwwert de fréieren CSV-Minister.

Dem Michel Wurth seng Zäit un der Spëtzt vun der Handelskammer ass no dräi Mandater op een Enn gaangen: de Vertrieder vun ArcelorMittal war 15 Joer President vun der Chambre de Commerce.

De Choix vum Luc Frieden als President war am Virfeld kritiséiert ginn, ë.a. vum fréiere FEDIL-President Robert Dennewald.

De Luc Frieden war vun 1998 bis 2013 Minister.


De Luc Frieden:

Lauschteren

Detailer mam Serge Kesseler:

Lauschteren

Méi zum Thema

Robert Dennewald
Chambre de Commerce

"De Luc Frieden ass kee vun eis", seet de Robert Dennwald. Hien ass net zefridde mat der Manéier, wéi de Luc Frieden an d'Gespréich bruecht gi wier, fir neie President vun der Chambre de Commerce ze ginn.

Jean-Claude Franck Meenung
Wirtschaftschronik

De Luc Frieden wiesselt d'Bank: hien hält op bei der Deutschen Bank fir, op Wonsch vum katareschen Investisseur Precision Capital,  BIL-President ze ginn. E Cooling-Off schéngt néirens verlaangt ze ginn.

Programm

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Festival de Cannes 2019

    Alleguer d'Artikele vum Festival de Cannes 2019.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen