Luxleaks Appellprozess Kee Fräisproch fir déi zwee Whistleblower

An zweeter Instanz bleift et bei der Condamnatioun vun deenen zwee fréiere PWC-Mataarbechter Deltour an Halet. Dem Journalist Edouard Perrin säi Fräisproch ass op dësem Mëttwoch vum Geriicht confirméiert ginn. Ob si géint d'Uerteel a Kassatioun ginn, wollten déi zwee veruerteelt Whistleblower nach net soen.

Michel Delage

9861A4EF-3432-40F7-B677-F4C0F1F4C1F7.jpg
Antoine Deltour a säin Affekot Me William Bourdon

D'Geriicht huet den Antoine Deltour op dësem Mëttwoch zu sechs Méint Prisong mat Sursis a 1.500 Euro Geldstrof, de Raphaël Halet zu enger Geldstrof vun 1.000 Euro veruerteelt. Dem Journalist Edouard Perrin säi Fräisproch aus éischter Instanz ass confirméiert ginn.

D'Strofmooss fir déi zwee fréier PWC-Mataarbechter entsprécht deem, wat de Parquet gefuerdert huet, läit awer ënnert dem Uerteel aus éischter Instanz.

"Inkohärent Uerteel"

Den Antoine Deltour a seng Verdeedeger hu vun engem "inkohärenten Uerteel" geschwat. Engersäits wier hie wéinst dem eventuelle Verstouss géint d’Beruffsgeheimnis fräigesprach ginn, wat och ee wichtege Schrëtt wier, fir de Schutz vu Whistleblower an Europa. Anerersäits wier et eng Veruerteelung wéinst dem Klau vun Dokumenter.

Deltour an Halet wollten nach net soen, ob si dat Uerteel wëllen a Kassatioun ufechten. Fir hir Decisioun hu si elo ee Mount Zäit.

Den Antoine Deltour gëtt nom Prononcé vu senge Supporter ugefeiert

Méi zum Thema

Luxleaks manif.JPG
Luxleaks Appellprozess

An der Affär Luxleaks kéinte béid fréier PWC-Mataarbechter an Appell besser ewech kommen. Allerdéngs wëllen si als Whistleblower fräigesprach ginn.

Justin Turpel Pol Urbany.JPG Riicht Eraus
LuxLeaks-Prozess

Déi Ugeklote wiere keng Whistleblower, sou de Maître Pol Urbany. Deltour an Halet hätten eng Praxis opgedeckt, déi géint d’Verfassung an EU-Recht verstouss hätt, sot de Justin Turpel.

Programm

Praktesch Infoen

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen