Corona-Pandemie "Man hatte es nicht erwartet"
Den däitschen Ambassadeur zu Lëtzebuerg seet, d'Regierung zu Berlin hätt sech net erwaart, datt d'Zoumaache vun de Grenze mat Lëtzebuerg esou vill negativ Reaktioune géif ervirruffen.
Och seng Ambassade hätt zum Deel zimmlech hefteg Messagen zougeschéckt kritt, esou den Heinrich Kreft. Déi Bréiwer an E-Mailen hätten deelweis Uspillungen op d'Besatzungszäit gemaach, och wann et sech hei ëm Ausname géif handelen.
De Grond: d'Situatioun a Frankräich
D'Decisioun fir nees Grenzkontrollen anzeféiere wier awer net drop zeréckzeféieren, datt déi däitsch Regierung de Grenzverkéier mat Lëtzebuerg ënnerschat hat, esou den Heinrich Kreft. Déi däitsch Decisioun hätt éischter mat der Situatioun a Frankräich ze di gehat:
"Luxemburg ist ein Opfer geworden der Nähe zum Grand Est. Und der Grand Est ist ein Opfer geworden der territorialen Neugliederung in Frankreich, denn der Hotspot war ja in Mulhouse (im Elsass) und gar nicht Lothringen. "
Wéinst dëser territorialer Ëmstrukturéierung wier de Grand Est an déi mësslech Situatioun komm, an doduerch eben och Lëtzebuerg. Datt d'Stëmmung hei am Land méi schlecht gi wier, hätt déi däitsch Ambassade der Regierung zu Berlin och all Dag matgedeelt.
Den Heinrich Kreft preziséiert, datt d'Kritik net nëmmen aus Lëtzebuerg komm wier, mee och aus Gemengen a Kreesser op der Grenz. Déi wieren nämlech genee esou betraff gewiescht wéi d'Lëtzebuerger.
An der Mediathéik:
LauschterenMéi zum Thema
Meenung
"Ni méi zoue Grenzen"
Fir de Coronavirus ofzebremsen hunn eng ganz Partie EU-Memberstaaten hir Grenzen zougemaach. Dat bedauert d'Coordinatrice vum interregionalen Observatoire vum Aarbechtsmaart vun der Groussregioun am Fräie Mikro.
D'Grenzen am Kampf géint Corona
An der Summervakanz an dat europäescht Ausland reesen, dat soll méiglech sinn, seet déi Europäesch Kommissioun. Si huet den Dënschdeg de Memberlänner hiert Konzept iwwer Sécherheetsmesuren an der Tourismusbranche mat op de Wee ginn.
Zoue Grenzen: Gëtt et eng Spargelzäit ouni Spargelen?
Geschwënn ass Spargelzäit, mee et ass nach net kloer, ob et dëst Joer vill Spargele wäert ginn. Vill EU-Länner maachen zanter Kuerzem nees Grenzkontrolle fir d'Corona-Pandemie anzedämmen. Dat mécht et méi schwéier Uebst a Geméis ze produzéieren.
"De Virus gëtt net un der Grenz besiegt, mee bannent de Grenzen"
"D'Politik an deene meeschte Länner léiert näischt bäi." Esou reagéiert de Robert Goebbels dorop, datt verschidde Regierungen d'Grenze wéinst dem Coronavirus zougemaach hunn.
