Mat ronn 85 Prozent war Alkohol um Steier d'lescht Joer déi heefegst Ursaach, firwat Chauffeuren hire Führerschäin vun der Police ewech geholl kruten, well si d'Grenz vun 1,2 Promill iwwerschratt hunn. De Konsum vun Alkohol bleift ee vun den Haaptgrënn fir schlëmm Accidenter op der Strooss.
D'Sécurité Routière huet elo eng nei Sensibilisatiouns-Campagne lancéiert, déi sech speziell u Restaurateuren, Cafébesëtzer awer och un d'Cliente riicht. De Relancement vum sougenannte Wine-Bag an d'Promotioun vun der Ethyloborne. Ëm wat et do geet a wat ee sech erwaarden kann, erkläert de Paul Hammelmann, President vun der Sécurité Routière am Gespréich mam Tessy Steffen Koenig.