Hoteller a Restauranten Manner Chômage partiel: Horesca warnt viru 6.000 Entloossungen

D'Horesca warnt virun Entloossungen an hirem Secteur: Wann d'Betriber vu Mee un manner Chômage partiel zegutt hätten, da missten d'Hoteller an d'Restauranten eng 6.000 Leit entloossen, esou den Horesca-Generalsekretär François Koepp.

Rick Mertens (Interview) / Claude Biver (Web)

François Koepp
De François Koepp ass Generalsekretär vun der Horesca. Foto: Archiv

De François Koepp plädéiert dofir, de Chômage partiell a sengem Secteur esou weider lafen ze loossen, wéi bis elo. Dat wier "déi eenzeg gescheit Léisung," esou de Generalsekretär vun der Horesca.

D'Regierung plangt de Betriber vu Mee u just nach maximal 50 Prozent vun hiren Aarbechtsstonnen iwwer de Chômage Partiel ze rembourséieren. Am Moment kënne bis zu 100 Prozent vun den Aarbechtsstonne couvréiert ginn. De François Koepp ass mat dëser Entscheedung net averstanen.

"Dat ass eng Mesure, déi mir guer net verstoe kënnen. Well aner Länner de Chômage partiel fir getraffe Secteuren, wéi eisen, automatesch scho bis Enn des Jores viru féieren. A mir fänken hei lo un ze soen, da muss der e Plan de restructuration maachen, an e Plan de maintien dans l'emploi. Mee déi Betriber wëllen dat jo net maachen, well se d'Personal jo brauchen, falls mer sollten ukommen, wann d'Impfcampagne virugeet."

Et wier "e couragéierte Schrëtt" vun der Regierung, d'Terrassen an zwou Wochen nees opzemaachen. Ganz zefridde wier hien awer net, esou de François Koepp.

"Ech hätt léiwer gehat, mir hätte moies eréischt um 10 Auer ugefaang, an dat wier da bis owes 8 Auer gaang. Zwee Leit um Dësch ass an der Rei, ech hätt mer awer véier Leit um Dësch gewënscht, well dat ass eppes, wou een da seet, ech ka besser op déi do oppassen. An mir hätten eis natierlech och gewënscht, datt d'Bannegastronomie och hätt kënnen opgoen, zemools fir déi Betriber, déi iwwerhaapt keng Terrass hunn, a keng Chance hunn dovu kënnen ze profitéieren."

An der Mediathéik:

Invité vum Dag / / Rick Mertens
Lauschteren

Méi zum Thema

Illustratioun Relance EU Europa
EU-ANTI-KRISE-PLÄNG

Den europäesche Plan de Relance soll der europäescher Wirtschaft aus der Kris hëllefen. D'Sue sinn u Critèrë gebonnen. Lëtzebuerg huet ee Projet virgeluecht, dee gouf awer net mat de Sozialpartner beschwat.

Programm

Net verpassen

  • Annonce: Recherche d'un chef de la programmation

    Gebai vum radio 100,7

    L'Etablissement de Radiodiffusion Socioculturelle, opérateur de la radio de service public radio 100,7, recherche 1 chef de la programmation (m/f) pour contrat à durée indéterminée et à temps plein.

Dossieren

  • Déi eeleft Editioun vum LuxFilmFest

    Trotz Pandemie gëtt de Luxembourg City Filmfestival organiséiert. Déi 11. Editioun (4.-14. Mäerz) kritt dëst Joer awer eng liicht aner Nues: Filmer ginn deels am Kino deels online gewisen.

  • Drogen a Mënschen

    Zanterdeem et d'Mënschheet gëtt, hunn Droge si begleet. Haut hu vill Drogen e schlechte Ruff. Wisou ass dat esou a wat misst geschéien, fir besser iwwer eventuell Risike beim Konsum opzeklären?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen