Chamberwahlen 2018 Martine Solovieff Informateur genannt

D'Procureure Générale Martine Solovieff gouf vum Grand-Duc zum Informateur genannt. Dat huet de groussherzoglechen Haff de Méindeg den Owend kuerz no 18 Auer annoncéiert. Den Informateur soll mat de Parteie schwätzen, se froen, wéi si d'Wahlresultat gesinn, a wéi eng Koalitiounsméiglechkeete si gesinn. Duerno mécht den Informateur e Rapport beim Grand Duc.

Chris Zeien / Françoise Keller / Serge Kesseler / Carole Schimmer / Christiane Kleer / Danièle Weber / Pierre Reyland

Martine Solovieff
Martine Solovieff

D'Aarbecht vun der Martine Solovieff soll den Dënscheg ufänken, sot de Premier Xavier Bettel. Hie rechent iwwregens domat, datt den Informateur bannen 48 Stonne seng Aarbecht wäert ofschléissen. Duerno soll de Grand Duc e Formateur nennen. Iwwermuer fiert de Xavier Bettel op Bréissel fir do um EU-Sommet deelzehuelen.

Haut goufen iwwerdeems all d'Presidente vun de Parteien, déi de Sonndeg an de véier Bezierker vertruede waren, de President vum Staatsrot an de Chamberpresident vum Grand Duc empfaangen.

De Wirtschaftsminister a Vizepremier Etienne Schneider gesäit net an, "firwat eng Koalitioun vun de Verléierer sollt gemaach ginn, fir déi heiten ofzewielen." Et wier elo awer um Grand-Duc, fir e Formateur oder en Informateur ze nennen, sou den Etienne Schneider, virun der Annonce vun der Martine Solovieff als Informateur.

Fir den Nohaltegkeetsminister François Bausch spillt et keng Roll, ob fir d'éischt e Formateur genannt gëtt, oder een Informateur. "Ob Formateur oder Informateur - mir kënne mat all Variant liewen. Fait ass, datt de Wëlle besteet vun deenen Dräi fir weiderzefueren", sou de François Bausch, virun der Annonce vun der Martine Solovieff als Informateur.

Christian Kmiotek: "Frou iwwer Reequilibrage zu Gonschte vun déi gréng"

Gambia wier net ofgewielt ginn, ganz am Géigendeel. Dat sot de grénge Parteipresident Christian Kmiotek de Méindeg de Moien no der Reunioun vum Exekutiv-Virstand vu senger Partei.

"D'Dräierkoalitioun behält eng Majoritéit. Den Executivkommittee vun der Partei huet eestëmmeg decidéiert, fir a Koalitiounsverhandlungen ze goen, innerhalb vun der Dräierkoalitioun", sou de Christian Kmiotek.

Iwwer méiglech Ressortverdeelungen oder eventuell Uspréch vun deene Gréngen, fir zum Beispill de Vize-Premier ze stellen, wier den Ament keng rieds, esou nach de Christian Kmiotek. Theme wéi Mobilitéit, Ëmwelt- a Klimaschutz géifen awer méi héich um Agenda stoen. De grénge Parteipresident ass frou, datt an der Dräierkoalitioun ee "Re-equilibrage zu Gonschte vun deene Grénge passéiert wier". Senger Meenung no wieren déi dräi Parteien elo plus ou moins op Aenhéicht.

Etienne Schneider: "Technesch Froen tëschent dräi Parteie klären"

D'Parteileedung vun der LSAP koum de Méindeg an der Mëttesstonn zesummen, wou decidéiert gouf, datt een op wier fir Koalitiounsgespréicher mat der DP an deenen Gréngen ze féieren.

De Spëtzekandidat am Zentrum, den Etienne Schneider, gouf designéiert fir d'Koalitiounsgespréicher opzehuelen. De Parteipresident Claude Haagen, ass zouversiichtlech datt et wäert méiglech sinn, déi rout Linnen, déi d'LSAP virun de Wahlen festgeluecht hat, an engem Koalitiounsprogramm erëmzefannen.

Déi dräi Parteien, LSAP, DP an déi gréng sollten elo déi technesch Froe klären an Aarbechtsgruppen designéieren, esou den Etienne Schneider.

Méi zum Thema

Jean-Claude Franck
Chamberwahlen 2018

Et gouf Stëmmeverloschter fir d'CSV, d'LSAP an d'DP, zu Gonschte vun déi gréng, de Piraten an och der ADR. Dat ass de Resumé vun de Chamberwahlen. De radio 100,7-Chefredakter Jean-Claude Franck analyséiert.

Koalitiounsgespréicher
Chamberwahlen 2018

Just zwou Koalitiounsméiglechkeeten hunn no de Wahlen eng Majoritéit an der Chamber. Um Wahlowend deiten d'Politiker vun der Dräier-Koalitioun un, datt si wëlle weidermaachen. Mee wéi sécher ass et?

Dräi Lëtzebuerger Regierungsvertrieder op Visite um Flughafe Zhengzou (François Bausch, Xavier Bettel, Pierre Gramegna v.l.n.r.)
Chamberwahlen 2018

De Wahlbezierk Süden war dee leschten, dee fäerdeg ausgezielt gouf. Et war bis zum Schluss spannend. Mat Momenter huet et dono ausgesinn, wéi wann d'LSAP ee weidere Sëtz géif verléieren, zu Gonschte vun déi gréng.

Chamber
Chamberwahlen 2018

Wie sinn déi 60 Deputéiert fir d'Legislaturperiod 2018-2023? Eng Iwwersiicht.

CSV Zentral.jpg
Chamberwahlen 2018

D'CSV an d'LSAP verléieren däitlech u Stëmmen. déi gréng an d'Pirate gewannen. Eng Weiderféierung vun der Dräierkoalitioun ass probabel, méiglech wier och nach CSV an DP.

François Bausch
Chamberwahlen 2018

déi gréng stellen den Usproch weider an der Regierung ze bleiwen. Eng méiglech CSV-DP-Koalitioun beschreift de François Bausch als eng Koalitioun vun "zwee Wahlverléierer".

claude turmes.jpg
Chamberwahlen 2018

Den Norden ass den zweete Bezierk, deen elo komplett ausgezielt ass. Am flächeméisseg gréisste Bezierk bleift d'CSV stäerkste Partei.

IMG_8844(1).JPG
Chamberwahlen 2018

D'CSV verléiert siwe Prozentpunkten, mee behält hir dräi Sëtz. D'Pirate leeë prozentual staark zou, mee kréie kee Sëtz.

Programm

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Sozialwahlen 2019

    Den 12. Mäerz ware Sozialwahlen. A ronn 3.800 Betriber, an deene méi wéi 15 Leit schaffen, goufen d'Personaldelegatioune bestëmmt. An déi 60 Vertrieder an der Salariatskammer goufen nei gewielt.

Communiquéen

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen