Gesondheet Medezinesche Cannabis: D'Regierung ass an enger Léierphas

D'Regierung ass an enger Léierphas, wat de Medezinesche Cannabis ugeet. D'Gesetz wéilt een net änneren. Domat reagéiert de Gesondheetsminister op déi rezent Kritik vun de Spidolsapdikter. Nodeems datt et zu enger Rupture vum Stock vum Produit hei am Land komm war, hat d'APHL der Regierung eng schwaach Preparatioun reprochéiert.

Maxi Pesch / cz

Medizinesche Cannabis
Foto: CC BY-SA 2.0 vum Sergey Galyonkin

D'Argument datt de Pilotprojet deen ënner der fréierer Gesondheetsministesch Lydia Mutsch lancéiert gouf, net gutt genuch um Terrain diskutéiert gi wier léisst den aktuelle Gesondheetsminister Etienne Schneider net gëllen.

"Mir kënnen eis net virstelle bei all Dokter ze rennen an deen ze froe wéi vill Patienten datt hie mengt datt medezinesche Cannabis wäerte brauchen. Mir hunn bei eis intern doriwwer diskutéiert. A mir hunn eng Quantitéit zeréck behale mat der jiddereen eens war. Mee finalement huet sech erausgestallt datt et net duer geet. Dat weist awer datt d'Decisioun vun der Regierung fir de Cannabis ze legaliséieren eng richteg Decisioun war."

Zënter Februar goufen 21 Kilogramm Cannabis-Bléie verschriwwen a ronn 270 Patiente kruten eng éischt Behandlung mat medezineschem Cannabis, heescht et aus dem Ministère. Elo misst ee kucken de Stock an de Grëff ze kréien erkläert den Etienne Schneider. Lëtzebuerg kéint de Cannabis net an Europa kafen, well en um europäesche Marché net disponibel wier. Dat misst iwwer internationl Ausschreiwunge fonctionnéieren. "Ech menge mir sinn och do an enger Lernphase an der mir eis Commande mussen ajustéieren", sou de Gesondheetsminister.

D'Rupture de Stock ass net den eenzege Problem

D'Doktere krute vum Ministère virgeschriwwen, fir bis op Weideres kengen neie Patiente méi medezinesche Cannabis ze verschreiwen. Bis um Enn vum Summer soll de Stock sech nees normaliséieren.

D'Rupture de Stock wier net deen eenzege Problem kritiséieren d'Spidolsapdikter. Ënnert anerem fuerdert d'Associatioun méi eege Moyenen. Dozou de President vun der APHL Grégory Gaudillot. Et hätt een ausgerechent, datt ee pro Patient 30 bis 60 Minutte bräicht, fir de medezinesche Cannabis "ze ginn", dofir hätt ee sech 25 Prozent méi Moyene fir d'Etablissementer gefrot.

Fuerderung no engem méi kloere Gesetz

D'Associatioun fuerdert och datt d'Gesetz, dat definéiert a wéi engem Fall ee medezinesche Cannabis dierf verschriwwe kréien, méi präzis soll ginn.

Déi dräi Indikatiounen, déi am Gesetz virgesi si fir medezinesche Cannabis ze kréien an och d'Ordonnance mat där den Dokter de Medezinesche Cannabis verschreift loossen ze vill Interpretatiounsspillraum. En Argument dat de Minister Etienne Schneider net gëlle léist. Eng Gesetzesännerung kéim net a Fro.

Wa mir als Gesetzgeber dohi ginn a mir definéiere genee wien dee Cannabis ka kréien da maache mir d'Aarbecht vum Dokter. Et ass um Dokter dat ze maachen an dee muss säi Fräiraum hunn. Zwee mol huet d'Associatioun sech mëttlerweil mam Gesondheetsministère getraff fir iwwer Verbesserungsproposen ze diskutéieren.

An der Mediathéik:

Aktuelles / / Maxi Pesch
Lauschteren

Méi zum Thema

Behälter Apdikt Exklusiv
Medezinesche Cannabis

D'Associatioun vun de Spidolsapdikte kritiséiert d'Aart a Weis wéi d'Regierung de Medezinesche Cannabis lancéiert huet. Déi aktuell Rupture de Stock ass net deen eenzege Problem, erklärt de Grégory Gaudillot.

Cannabis Rupture de Stock
Medezinesche Cannabis

Eng ze niddereg Estimatioun ass ee vun de Grënn wisou et zu enger kuerzzäiteger Rupture vum Stock vu medizineschem Cannabis hei am Land komm ass. Weider Grënn wieren Importatiouns-Quotaen, sou de Gesondheetsministère.

Cannabis Knosp
Suivi Cannabis-Legaliséierung

D'Gesetz fir d'Cannabis-Legaliséierung soll nach an dëser Legislaturperiod a Kraaft trieden. Dat hunn de Gesondheetsminister Etienne Schneider an de Justizminister Felix Braz de Freideg ugekënnegt.

Jean-Claude Schmit.JPG
Gesondheetssecteur

Den Interessi vun den Dokteren fir déi éischt Formatioun iwwer de medezinesche Cannabis war grouss. Déi 150 Plazen, déi d'Direktioun vun der Santé virgesinn hat, ware séier besat.

Cannabis Joint
Projet Pipapo

"D'Cannabiskonsumente sinn aktuell an enger illegaler Situatioun. Et ass positiv, datt de Konsum soll legaliséiert ginn". Dat seet de Carlos Paulos, Direkter vu 4Motion a Responsabele fir de Projet Pipapo.

Een Employé vun Aurora Cannabis inspizéiert en Marihuana-Planz Exklusiv
Koalitiounsverhandlungen

D'Legaliséierung vu Cannabis dierft an de Koalitiounsaccord stoe kommen. Dat ass 100,7-Informatiounen no e Bestanddeel vum Rapport vum Aarbechtsgrupp "Santé". Den Text mat Propose gouf an de leschten Deeg ofgeschloss.

CBD.JPG
Cannabis

Cannabidiol, ofgekierzt CBD, ass eng Moleküll déi een an der Cannabisplanz fënnt. D'Moleküll ass zu Lëtzebuerg legal. Ëmmer méi Geschäfter verkafen dësen CBD-Cannabis. Wat ass CBD, a wat ass den Ënnerscheed zu THC?

Cannabis Ueleg
Medezin

An Zukunft ass de Konsum vu Cannabis, dee fir medezinesch an therapeutesch Zwecker genotzt gëtt, zu Lëtzebuerg erlaabt. D'Chamber huet eestëmmeg d'Gesetz ugeholl, mat deem de legale Kader festgeluecht gëtt.

Cannabis
Drogepolitik

Eng Petitioun fuerdert d'Legaliséierung vu Cannabis. A Rekordzäit huet si déi néideg Ënnerschrëfte gesammelt. Mee ass d'Legaliséierung vu Cannabis realistesch? Wat bedeit dat am Kloertext?

Cannabis Medezin Exklusiv
Medezinesche Cannabis

De Collège Médical ass net begeeschtert vum Gesetzesprojet fir d'Legaliséierung vum medezinesche Cannabis zu Lëtzebuerg. De President vum Collège Médical schwätzt vun "immense Restriktiounen".

Medizinesche Cannabis
Cannamedica

Déi nei Asbl Cannamedica begréisst d'Iddi vun engem Pilotprojet, fir Cannabis ze legaliséieren. D'Regierung misst allerdéngs méi wäit goen an e legale Kader fir d'Notzung vu Cannabis als Therapiemëttel schafen.

Een Employé vun Aurora Cannabis inspizéiert en Marihuana-Planz
legale Cannabis

Fir géint d'organiséiert Kriminalitéit virzegoen, wëllt de Kanada Marihuana vum éischte Juli 2018 u legaliséieren. Een onrealisteschen Zäitplang, soe Kritiker. D'praktesch Ëmsetzung wier nach net gekläert.

Programm

  • Resonanzen

  • On air

    Spektrum

  • Ënnerwee

  • Noriichten

  • Trendscheif

Praktesch Infoen

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen