Mediepolitik Eng Existenzgrondlag fir kleng Medien

Radio ARA fuerdert d'Schafe vun engem "Fong fir de Pluralismus vun den audiovisuelle Medien". Éier eng Subventioun fir RTL decidéiert gëtt, sollt iwwer déi ganz Medielandschaft diskutéiert ginn. De Staat misst gesellschaftlech relevant Inhalter an net just RTL ënnerstëtzen, seet de Robert Garcia, Gérant vun "Alter Echos".

Pia Oppel

Robert Garcia
De Robert Garcia am Juni 2015 mat der deemoleger Kulturministesch Maggy Nagel (riets) an hirer Virgängerin Octavie Modert.

Mam Mediegesetz vun 1991 wier anescht wéi geplangt d'Diversitéit am Beräich vun den audiovisuelle Medien net gestäerkt ginn, esou de Robert Garcia. De Gérant vun der Sàrl "Alter Echos", déi de Radio Ara bedreift, kritiséiert, datt RTL elo soll staatlech subventionéiert ginn, ouni datt eng méi allgemeng Debatt iwwer d'Medielandschaft gefouert géif ginn. Zil vun der Mediepolitik misst et sinn, de Pluralismus ze stäerken.

De Radio ARA fuerdert dowéinst d'Schafe vun engem "Fong fir de Pluralismus vun den audiovisuelle Medien". Ähnlech wéi bei der finanzieller Hëllef fir déi geschriwwe Press, sollten och Radioen an Televisioune kënnen eng Hëllef vum Staat kréien, wa se an hirem Programm Elementer vun engem "Service Public" hunn.

Gesellschaftlech relevant Inhalter finanzéieren

Mat dësem Fong kéint ee verhënneren, datt een "tout azimut Geld verdeelt un iergendwellech Leit, déi Playliste verduddelen". Et misst ee kucken, wéi eng Programmer fir d'Gesellschaft wichteg sinn an dofir sollte subventionéiert ginn. De Robert Garcia nennt als Beispiller edukativ an interkulturell Programmer vu Radio ARA, respektiv Inhalter op verschiddene Sproochen (wéi zum Beispill den engleschsproochegen "ARA City Radio".

D'Iddi vum Fong fir d'audiovisuell Medien hätt de Radio ARA och schonn de politesche Fraktiounen an der Chamber presentéiert. Dat am Hibléck op déi fir Mee geplangte Chamberdebatt iwwer d'Qualitéit vun de Medien.

Robert Garcia

Méi zum Thema

Jean-Paul Hoffmann Meenung
World Radio Day

Haut ass de Weltdag vum Radio, engem vun de populäerste Medien iwwerhaapt. Den 100,7-Direkter mécht sech bei där Geleeënheet Gedanken iwwer déi Lëtzebuerger Radioslandschaft, a besonnesch de Service public.

RTL Group Logo
Medien

An Zukunft soll de Staat den Defizit vun RTL Télé iwwerhuelen. Dobäi handelt et sech ëm eng onkloer Zomm a Milliounenhéicht pro Joer. De Konzessiounsvertrag soll an Zukunft och verkierzt ginn.

Romain Kohn
Medien

Virum Hannergrond vun der Affär "RTL-Lunghi" mécht den ALIA-Direkter Romain Kohn d'Analys, datt d'Iwwerdroe vun ëffentleche Missiounen un ee privaten Acteur net gläichzesetze si mat "Service Public".

Josée Hansen, Paul Peckels, Jürgen Stoldt
Medien

"Glaafwierdegkeet ass dat wichtegst Verméige vun engem Editeur", seet de Generaldirekter vu Saint-Paul. Nach ee Constat a "Riicht eraus": Déi vun RTL wier an der Affär Lunghi/RTL op d'Spill gesat ginn.

Dossieren

  • Franséisch Presidentiellen 2017

    De 7. Mee ass den zweeten Tour vun de Presidentschaftswahlen a Frankräich. De radio 100,7 bericht iwwer d'Kandidaten an d'Enjeuë vun dëse Wahlen.

  • Gemengewahlen 2017

    Den 8. Oktober kënnen d'Bierger aus de 105 Gemengen am Land hir lokal Vertrieder nei bestëmmen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen