Nei Spëtzt fir CSI "Méi Auslänner fir déi Lëtzebuerger Politik interesséieren!"

De Saad Nabbi ass neie President vun der CSI - der CSV International. Zesumme mat engem neie Comité wëllt hie sech als Sproochrouer vun der auslännescher Communautéit staark maachen a méi Leit fir d'Ënnerorganisatioun vun der CSV begeeschteren.

Sophie Morang / tt

Saad Nabbi
Saad Nabbi ass den neie President vun der CSI (Foto: privat)

Lauschtert de ganze Bäitrag


"Mir wëllen d'Kommunikatioun vun eiser Organisatioun verbesseren, no baussen, mee och no bannen a Richtung vun der auslännescher Communautéit" - seet den neie CSI President Saad Nabbi. Den 32 Joer ale Lëtzebuerger-Marokkaner hofft e puer honnert Leit op d'Leschte vun den nächste Gemengewalen ze kréien. "Mir wëllen der Partei och hëllefen en interessante Programm fir d'Integratioun vun Auslänner fir déi nächst Walen auszeschaffen".

Wuel wier scho vill gemaach gi fir Auslänner un der Politik ze interesséieren, mee d'Participatioun un de Wale géif net duer goen. D'Auslänner géife sech dacks net trauen an eng Partei ze goen. Eng Barrière wier d'Sprooch. "Mir fanne lëtzebuergesch wichteg" - seet de Saad Nabbi - mee den aktuelle Sproocheregimm vum Land wier net méi adaptéiert, fir déi nei Leit déi hei hikommen, zum Beispill aus Eritrea oder Syrien.

Sträit ëm d'CSV-Parteispëtzt

"Ech weess näischt weider iwwert d'Parteispëtzt, wéi dat wat d'Medie gemellt hunn", seet de Saad Nabbi nach. Als Ënnerorganisatioun wiere si net betraff an hätten ëmmer normal funktionéiert. "Ech fannen et och besser, mech op déi Saachen ze konzentréieren, op déi ech eng Influence hunn", ënnersträicht de Saad Nabbi.

Méi zum Thema

Frank Engel
Sträit ëm de Frank Engel

D'CSV-Fraktioun huet den CSV-Parteipresident Frank Engel beim Parquet denoncéiert. Rieds geet ënner anerem vum Virworf vu Schäibeschäftegung. De Frank Engel schwätzt vum ëffentlechen Drock, fir him ze schueden.

Marc Spautz
No der Kandidatur vum Frank Engel

Et wäert wuel net just bei der Kandidatur vum Frank Engel fir de Poste vun der CSV-Parteipresidence bleiwen, seet de Marc Spautz. Et wier ze erwaarden, datt méi Leit sech wäerten opstellen.

Net verpassen

Programm

Dossieren

  • Saint-Malo: "Étonnnants Voyageurs"

    Saint-Malo ass déi Plaz, wou déi sougenannt ''littérature-monde'' gefeiert gëtt. Den 100,7 war bei der leschter Editioun vum Festival Étonnants Voyageurs am Juni dobäi.

  • Dossier: Cannabis-Legalisatioun

    Nach am Laf vun dësem Joer soll e legale Kader ausgeschafft ginn, fir e staatlech kontrolléierten Ubau vu Cannabis fir medezinesch Zwecker zu Lëtzebuerg méiglech ze maachen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen