Invité vum Dag Méi Matbestëmmung am Fonds du Logement

Dee neien Direkter vum Fonds du Logement huet sech als Prioritéit gesat erëm Rou a seng Verwaltung ze bréngen. D'Mataarbechter solle kënne méi matschwätzen. Haut schaffe méi ewéi 100 Persoune fir de Fong, dat sinn der 40 méi ewéi virun dräi Joer. Bis Enn des Joers sollen nach eng Dose Mataarbechter bäi kommen, déi an d'Equipe mussen integréiert ginn. De Fonds du Logement plangt nei Quartieren.

Carole Schimmer

Eric Rosin
Den Eric Rosin, neien Direkter vum Fonds du Logement.

Am Bauprogramm vum Fonds du Logement fir déi nei Quartieren Nei Schmelz zu Diddeleng, Wunne mat der Wolz, oder zu Iechternach si 5.500 Logementer geplangt. 70 Prozent vun deene Wunnenge solle fir d'Locatioun geduecht sinn.

Et si verschidden Acteuren um soziale Wunnengsmaart aktiv. Nieft dem Fonds du Logement, ass et d'SNHBM oder nach d'Agence immobilière sociale. Déi solle méi enk zesumme schaffen, esou den Eric Rosin. Bei der Vermëttlung vu Wunnenge soll fir d'éischt gekuckt ginn, wéi ee Service oder wéi eng Associatioun gëeegent ass fir déi individuell Demanden ze behandelen. Verschidde Stéit bräichte méi eng intensiv sozial Ënnerstëtzung ewéi anerer.

Wunnraum op den Industriebroochen

An de sektorielle Pläng sinn d'Terraine vun den Industriebrooche mat integréiert ginn. Bei der Sanéierung vun deene Brooche géif et zwou Optioune ginn. Engersäits kann een de verseuchte Buedem komplett ofdroen an dee mat neiem Buedem ersetzen. Dat wier awer extrem deier, seet den Eric Rosin. Soss kéint een déi Terraine versigelen.

Nei urbanistesch Modeller fir d'Quartieren

De Fonds du Logement ass am gaangen d'Konzept vun de Quartieren Nei Schmelz zu Diddeleng an dee neie Quartier Wunne mat der Wolz aus ze schaffen. Am Verglach mat aner Quartieren, déi virun 20 Joer gebaut goufen, géifen haut aner urbanistesch Iwwerleeungen erafléissen. De Projet géif ganzheetlech ugepaakt ginn, well d'Servicer an de Gemengen ëmmer méi professionaliséiert sinn, esou den Eric Rosin.

An der Mediathéik:

Invité vum Dag / / Carole Schimmer
Lauschteren

Méi zum Thema

Guy Entringer.JPG
Société nationale des habitations à bon marché

D'SNHBM wëllt e Projet mat 750 Haiser an Appartementer zu Ollem realiséieren, op engem eegenen Terrain vu 27 Hektar. De Projet soll eng héich Liewensqualitéit garantéieren.

Lies-Hansen
Fonds du Logement

De Marc Lies (CSV) kritiséiert e Réckgang vu der Produktivitéit vum Fonds du Logement. Et misst een elo no vir kucken, seet de Minister Marc Hansen (DP). D'Restrukturatioun beim Fong wier schwiereg.

Programm

  • Moies-Magazin

  • On air

    Iwwer Mëtteg

    • Kultur - "Kanner a Kandheet", de roude Fuedem am TOL

  • Resonanzen

  • Spektrum

  • Ënnerwee

Dossieren

  • 76. Filmfestival zu Venedeg

    Zu Venedeg ass déi 76. Editioun vum Filmfestival. Den Tom Dockal ass fir de radio 100,7 op der Plaz. All Dag pickt hie sech ee Film eraus, fir deen da méi genee ënner d'Lupp ze huelen.

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen