Verfassungsreform Méigleche Referendum bei Verfassungsreform: "Dat Normaalst vun der Welt"

E Mëttwoch gëtt och dat éischt Kapitel vun der Verfassungsreform - dat vun der Justiz - an der Chamber diskutéiert a wuel och gestëmmt. Fir datt et a Kraaft triede kann, mussen d'Deputéiert den Text no engem Delai vun op d'mannst dräi Méint eng zweete Kéier guttheeschen.

Maurice Molitor (Interview) / Claude Biver (Web)

Mars Di Bartolomeo
De Mars Di Bartolomeo ass Deputéierte fir d'LSAP

Dësen zweete Vott kann awer och duerch ee Referendum ersat ginn, wann entweder 15 Deputéiert dat froen - wat an der aktueller Konstellatioun éischter onwarscheinlech ass - oder 25.000 ageschriwwe Wieler eng deementspriechend Petitioun ënnerschreiwen.

De Mars Di Bartolomeo betount, datt dat dann och respektéiert géif ginn:

"Wann de Bierger (mat engem grousse B), wann d'Leit dobaussen, wa se sech informéiert hunn, der Meenung sinn, datt et gutt wier, wann deen zweete Vott duerch e Referendum, also duerch hire Vott, ersat gëtt, dann ass dat dat Normaalst vun der Welt."

Den LSAP-Deputéierten ass "déif dovun iwwerzeegt", datt déi aktuell Propos fir d'Revisioun vun der Verfassung - un där 15 Joer laang geschafft ginn ass - a "ganz ville Punkte wesentlech besser ass, wéi déi Texter vun 1868". Lëtzebuerg géif eng Verfassung verdéngen, "déi de Realitéite Rechnung dréit".

An der Mediathéik:

Invité:e vum Dag / / Maurice Molitor
Lauschteren

Méi zum Thema

Chamber
Verfassungsreform

Eng ëffentlech Petitioun fir e Verfassungsreferendum wäert an der Chamber debattéiert ginn, d'Parteie wäerte sech nach eemol zur Fro musse positionéieren. Ee Referendum kéint vum Parlament a vu Bierger declenchéiert ginn.

Informatiounsversammlung iwwer nei Verfassung
Lëtzebuerg

Véier Kapitele goufen ausgeschafft, fir d'Verfassung ze reforméieren. E Freideg hat d'Chamber eng éischten Informatiounsversammlung zur Verfassungsännerung organiséiert, wou d'Bierger hir Froen konnte stellen.

Simone Beissel
Verfassungsreform

Ier datt d'Ännerungen un der Verfassung gestëmmt ginn, lancéiert d'Chamber eng Informatiounscampagne. Informatioune sollen op de sozialen Netzwierker verbreet an eng Informatiounsversammlung organiséiert ginn.

Net verpassen

Dossieren

  • Saint-Malo: "Étonnnants Voyageurs"

    Saint-Malo ass déi Plaz, wou déi sougenannt ''littérature-monde'' gefeiert gëtt. Den 100,7 war bei der leschter Editioun vum Festival Étonnants Voyageurs am Juni dobäi.

  • Dossier: Cannabis-Legalisatioun

    Nach am Laf vun dësem Joer soll e legale Kader ausgeschafft ginn, fir e staatlech kontrolléierten Ubau vu Cannabis fir medezinesch Zwecker zu Lëtzebuerg méiglech ze maachen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen