Chamberwahlen 2018 "Méisproochegkeet ass en Deel vun der Identitéit"

Sozial Kohesioun wier ee vun de Piliere vun der CSV-Wahlcampagne, esou de Claude Wiseler. Fir d'Bedeelegung vun den Auslänner misst de Conseil national pour étrangers gestäerkt ginn, e Gremium dat net ganz bekannt wier.

Mick Entringer / cbi

Claude Wiseler
Den CSV-Spëtzekandidat Claude Wiseler.

Lëtzebuergesch misst als Integratiounssprooch ausgebaut ginn, dat och scho virum Cycle eent an der Grondschoul. Lëtzebuergesch dierft awer och keng Mauer a Barrière fir Integratioun ginn, esou den CSV-Spëtzekandidat.

Lëtzebuergesch wier Deel vun der Traditioun an Identitéit vum Land. Lëtzebuerg wier zënter 100 bis 150 Joer e Land, dat sech doduerch charakteriséiert, datt Franséisch an Däitsch geschwat a geléiert géif ginn. Den CSV-Spëtzekandidat hätt och gär, datt dat esou weider gefouert géif ginn. D'Méisproochegkeet wier och Deel vun der Identitéit vum Land.

Trennung vu Kierch a Staat gëtt net réckgängeg gemaach

D'Trennung vu Kierch a Staat gëtt dem Claude Wiseler no net réckgängeg gemaach. D'Aféierung vum Cours Vie et société wier e Fakt. Hie weist net, wéi een dorobber kéint zréckkommen. Et wéilt een de Cours "Vie et société" mat sengen Inhalter nach eng Kéier mat de Leit um Terrain kucken, ob dat dat Richtegt wier, an ob et dat wier, wat ee maache wéilt.

Zu de Kierchefabricke seet de Claude Wiseler, datt och hei gesetzlech Fakte geschaaft gi sinn. Elo misst ee kucken, ob nach Nospiller um Geriicht géife kommen. Et wéilt een den Text awer esou änneren, datt d'Gemengen d'Méiglechkeet hunn, fir Konventioune mam Kierchefong ofzeschléissen. D'Gemenge solle kënnen dora bezuelen, wann d'Kierchen dee Besoin hunn. Zu de Salairë vun de Paschtéier seet de Claude Wiseler, datt dës Fro tëscht der Regierung an der Kierch geléist gi wier. Hien hätt keng Revendicatiounen doriwwer héieren.

Pensiounen: Keng kloer Ausso

Zu de Pensiounen mécht de Claude Wiseler widderspréchlech Aussoen. Engersäits seet hien, et wier noutwendeg fir eng Pensiounsreform ze maachen. Anerersäits seet hien, eréischt an der nächster Legislaturperiode soll d'Analys dozou gemaach ginn a wann néideg, misst dann eng Reform kommen. Zil wier net fir d'Pensiounen ze kierzen, mee fir se fir d'Zukunft ofzesécheren.

An der Mediathéik:

Chamberwahlen 2018 / / Mick Entringer
Lauschteren

Méi zum Thema

Marc Baum
Chamberwahlen 2018

"Wann een e Projet "Revenu d'inclusion sociale" nennt, an dee leit 25 Prozent ënnert deem wat eng Famill zu Lëtzebuerg brauch fir dezent ze liewen, dann ass dat en Hohn", seet de Marc Baum, Deputéierte vun déi Lénk.

Fernand Kartheiser
Chamberwahlen 2018

Sprooch an d'Zukunft vum Land wiere wichteg Thematike fir Lëtzebuerg, seet de Fernand Kartheiser. Bei dëse Wahlen géifen dës Sujete méi am Zentrum vun der ëffentlecher Opmierksamkeet stoen.

Fred Keup
Chamberwahlen 2018

Bis op d'Lëtzebuerger Sprooch an de Wuesstem hätt ee sech nach mat kengen anere Sujete befaasst, seet de Fred Keup. Dat wéilt een elo am Hibléck op d'Chamberwahlen zesumme mat der ADR kucken.

Programm

Dossieren

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Dateschutz

    De 25. Mee trëtt an der EU en neit Dateschutzreglement a Kraaft. Wat bedeit dat fir d'Bierger an d'Betriber? A wat ännert wierklech? Detailer an eisem Themeschwéierpunkt.

Communiquéen

  • Une nouvelle application mobile « radio 100,7 »

    radio 100,7 vient de lancer sa nouvelle application pour appareils mobiles. L'appli, simple à installer et facile à utiliser, permet d'écouter le programme de la radio 100,7 en direct et en différé en puisant dans la médiathèque de la radio. 

  • Yann Logelin, nouveau chef de la programmation à radio 100,7

    radio 100,7 annonce la nomination de M. Yann Logelin au poste de chef de la programmation. Yann Logelin prendra le relais de M Claude Mangen qui, après 25 ans à ce poste, assumera la direction du Mierscher Kulturhaus à partir du 1er novembre 2018.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen