Bëschbränn am Amazonas "Mir sinn alleguer responsabel"

D'Welt kuckt op Brasilien. Ronn 80.000 Bränn goufen do gemellt. ONGe warnen: Déi Bëschbränn betreffen net just Brasilien, mee och d'Nopeschlänner an eis alleguer.

Cyrille Hill / cbi

Bëschbränn am Amazonas
Iwwer 80.000 Bëschbränn goufen am Amazonas gemellt. Foto: picture alliance / Photoshot

Op iwwer 7,4 Millioune Quadratkilometer erstreckt sech déi sougenannte Long vun der Welt. Den Amazonas generéiert Schätzungen no bis zu 20 Prozent vum Sauerstoff weltwäit. Mee rout Flecken op Satellittebiller weisen: net nëmme Brasilien ass concernéiert vun de Bränn, seet d'Gabriela Caceres vun der ASTM, der Action Solidarité Tiers Monde, mee et kéint een de selwechte Phenomen och am Peru gesinn.

Ganz Latäinamerika betraff

Indigen Bevëlkerungen um ganze Kontinent leiden ënner der Exploitatioun vun der Natur, wei zum Beispill de Bëschbränn, sou d'Gabriela Caceres. Dëst betrëfft net nëmmen d'Bevëlkerungen am Amazonas, mee a ganz Latäinamerika.

Bëschbränn a Latäinamerika (15. bis 22. August 2019) Foto: NASA

D'Exploitatioun vu Goldminnen a Bëschrodungen zerstéieren hire Liewensraum. Dacks sinn dës Entreprisen illegal, ginn awer vun den Autoritéiten toleréiert. Ënner anerem de Jair Bolsonaro, President vu Brasilien, wëllt Naturschutzgebidder a Reservater fir indigen Vëlker verstäerkt wirtschaftlech notzen.

Relatioun tëschent EU a Mercosur-Staaten

Och Lëtzebuerg huet eng Verantwortung, sou d'Gabriela Caceres. Duerch ee globaliséierte Marché spillt och d'Demande vun engem europäesche Land eng Roll bei der Fro, wéi den Amazonas als Ressource gehandelt gëtt. Als Beispill nennt si d'Alimentatioun.

Wéinst de Bränn am Amazonas riskéiert d'Fräihandelsofkommes tëschent der EU an de Mercosur-Staaten, also dem Staatebond aus Brasilien, Uruguay, Bolivien a Paraguay, ze kippen. Mercosur soll den Zoll um gemeinsamen Handel vu ganz ville Produiten ofschafen. Den Alexander Feldmann vun Etika, eng Initiativ fir alternativ Finanzéierung, ass skeptesch: op där enger Säit bëllege Soja importéieren an op där anerer Säit Autoen zu méi favorabele Konditiounen ze exportéieren, "dat ass schwiereg".

Eise Konsum huet en Impakt

Brasilien ass ee wichtege Produzent vu Sojabounen a Rëndsfleesch. Vill Bëschbränn goufe vu Bauere geluecht fir méi landwirtschaftlech Notzfläche kënnen unzeleeën. D'Fräihandelsofkommes géif deene Produiten den Zougang zum europäesche Marché vereinfachen. De Problem dobäi ass fir den Alexander Feldmann, datt et an der EU zwar e "relativ héijen Ëmweltschutzstandard" géif ginn, mee datt dofir op anere Plaze "wéinst eis de Bësch brennt".

Den eegene Konsum hänkt ëmmer vun der Produktioun of, sou also och dovun, wéi den Amazonas als Ressource behandelt gëtt. Fir den Alexander Feldmann ass dowéinst net nëmme Brasilien an der Verantwortung: "Mir sinn hei och responsabel, mir alleguer."

An der Mediathéik:

Aktuelles / / radio 100,7
Lauschteren

Méi zum Thema

Bëschbrand
Pompjeeën

An de leschte Woche gouf et eng Dose Flächebränn zu Lëtzebuerg, gréisser Bëschbränn wier et rezent nach keng ginn, esou de Christopher Schuh. Lëtzebuerg wier gutt op grouss Bëschbränn virbereet.

Bëschbränn a Portugal
Portugal

Honnerte Pompjeeë kämpfe weider géint déi schlëmmste portugisesch Bëschbränn zënter Joerzéngten. Op d'mannst 62 Mënsche si beim Feier ëm d'Liewe komm. Dee Bilan kéint weider klammen.

Programm

  • Mat Groove a Séil

  • On air

    Notturno

  • Vu 6 bis 10

  • Vun 10 bis 2

  • Resonanzen

Net verpassen

  • Schwéierpunkt Rassismus

    2020-09-29-Rassismus-v1.jpg

    An eiser Serie Schwéierpunkt thematiséiert den André Dübbers all Dënschdeg verschidde Volete vum Rassismus.

Dossieren

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen