Keng Steewoll a keng weider Deponien "Mir waren den Dreckstipp vum ganze Land"

D'Gemenge Suessem an Déifferdeng fuerderen d'Regierung op, d'Projete vun enger Steewollfabrik a vun zwou Deponien op hirem Territoire net ze genehmegen. Den héijen Energieverbrauch an déi staark Belaaschtung vun der Loftqualiéit géinge géint d'Steewollfabrik schwätzen. Bei den Deponië gëtt haaptsächlech eng Belaaschtung vun de Baache ronderëm a vum Grondwaasser gefaart.

Maurice Molitor / cz

Georges Engel a Roberto Traversini
Georges Engel a Roberto Traversini

Hie wär am August zejoert vum Interessi vu Knauf gewuer ginn, sech a senger Gemeng um Site Pafewee néierzeloossen, sot de Suessemer Buergermeeschter Georges Engel. A schonn an den éischten Interviewen zum Thema hätt hie gesot, datt d'Gemeng prinzipiell net géint Entreprisë wier, déi nei Aarbechtsplaze géife schafen. Et wier ee fir eng Diversifikatioun vun der Lëtzebuerger Wirtschaft, mä géint zousätzlech Nuisancë fir d'Bierger an et géif ee sech och do dogéint wieren.

Knauf awer bréngt Nuisancen, an dofir gëtt sech ebe gewiert. Déi energie-intensiv Steewollproduktioun, déi och nach d'Loft mat schiedleche Gase wéi Stéckstoff- oder Schwiefeloxyder géif verpeschten, wier net Rifkin konform a konträr zu alle Klimapakt-Engagementer.

Et soll een net iwwerdreiwen, sot den Déifferdenger Buergermeeschter Roberto Traversini. Hien huet mam Stéchwuert Ronnebierg drun erënnert, wat senger Gemeng an der Vergaangenheet schonn alles zougemutt gouf.

"Mir waren den Dreckstipp vum ganze Land. Mir wësse wou mir hierkommen, mir wësse wou de Räichtum geschaaft ginn ass, an et ass net, datt mir wëllen déi Industrien hei zoumaachen, mä heiansdo geet et awer duer."

De Problem vun de geplangten Deponië vun der Firma Cloos ass, datt si op oder nieft aner al Deponië solle kommen, déi ni sanéiert goufen. Dat geschitt awer nëmme wann d'Regierung déi zwou Deponien autoriséiere sollt. Mécht si dat, huet d'Gemeng Déifferdeng zwar ëmmer nach d'Méiglechkeet keng Baugenehmegung ze ginn, genee wéi och Suessem der Knauf Fabrik déi Autorisatioun verwiere kéint. Mä esou Refuse wäre viru Geriicht wuel net ze verdeedegen.

Lauschteren

Méi zum Thema

Etienne Schneider
Invité vum Dag

Den Etienne Schneider trëtt bei de Chamberwahlen un, fir Premier ze ginn. Divergenzen tëscht de Koalitiounspartner fënnt hien net problematesch. D'Parteie wieren net fusionéiert beim Koalitiounsaccord.

Jughurt Fabrick
Wirtschaft

Enn 2018 soll d'Jughurtsfabrik Fage op Lëtzebuerg kommen. En Deel vun der Regierung an d'Gemenge si skeptesch. Passt d'Firma an déi effizient Strategie, déi d'Regierung sech selwer wëllt ginn?

Programm

Praktesch Infoen

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen