BnL Nationalbibliothéik: Keen Datum fir Ouverture
Et ass weiderhin net gewosst, wéini déi nei Nationalbibliothéik um Kierchbierg hir Diere fir de Public wäert opmaachen. D'Direktesch vun der BNL, Monique Kieffer, wollt op Nofro hi kee festen Datum nennen.
Déi nei Nationalbibliothéik hätt ursprénglech sollen Enn d'lescht Joer opgoen. Dëse Mount géif ee sech der Monique Kieffer no e puer Mol mam zoustännege Consortium vu Plënnerfirmen treffen, fir Detailaarbecht ze maachen.
Am Kader vun der Plënneraktioun ginn den Ament zum Beispill déi sougenannt Fonds non luxembourgeois gebotzt. Déi si vun e Méindeg u bis Mëtt Februar net disponibel. Haut ass de leschten Delai fir Dokumenter aus de betraffene Kollektiounen ze reservéieren.
Och d'Aarbecht fir ze assuréieren, datt déi ronn 50 Magasénger komplett dréche sinn, wier nach am Gaangen. D'Planungsaarbecht, wéi déi nei Bibliothéik beluecht soll ginn, wier allerdéngs bal ofgeschloss, esou nach d'Monique Kieffer.
Méi zum Thema
Analys
Kultur an de Wahlprogrammer
Wéi wëllen déi verschidde Parteien d'Kultur geréieren? Wéi eng Plaz huet d'Kultur bei de verschiddene Parteien an op wéi enge Sujete läit de Schwéierpunkt? E Bléck an d'Wahlprogrammer.
"Symbol vun der nationaler Identitéit"
D'Nationalbibliothéik soll d'Wëssen an alle Schichte vun der Gesellschaft fërderen. Dat seet d'Direktesch Monique Kieffer. Duerch dat neit Gebai um Kierchbierg soll d'BNL méi visibel ginn.
