Corona-Pandemie Nei Mesurë bis den 10. Januar

Fir d'Spideeler ze entlaaschten, huet d'Regierung nei Mesuren decidéiert. Net-essentiell Geschäfter musse vum 26. Dezember bis den 10. Januar zoumaachen. De Couvre-feu soll scho vun 21 Auer u gëllen.

Tessy Troes / Claude Biver

Paulette Lenert a Xavier Bettel
D'Gesondheetsministerin Paulette Lenert an de Premier Xavier Bettel. Foto: SIP / Jean-Christophe Verhaegen (Archiv)

Zil vun den neie Mesurë wier et d'Spideeler ze entlaaschten an den Tracing erëm méiglech ze maachen, esou de Staatsminister Xavier Bettel virun der Press. Dat kéint nëmme geschéien, wann d'Zuel vun den Neiinfektiounen erof géif goen.

De Regierungsrot huet dofir dës Mesuren zeréckgehalen:

  • All net-essentiell Geschäfter musse bis den 10. Januar zoumaache
  • De Couvre-feu soll scho vun 21 Auer u gëllen (amplaz vun 23 Auer wéi bis elo)
  • Teletravail iwwerall do, wou et méiglech ass
  • D'Schoule sollen d'Woch no der Chrëschtvakanz erëm am Homeschooling funktionéieren
  • D'Crèchë solle vum 28. Dezember bis den 10. Januar zoubleiwen
  • All parascolaire Aktivitéite bleiwen zou
  • De Congé fir raisons familiales gëtt erëm ageféiert
  • Consommatioun vum Alkohol an der Ëffentlechkeet gëtt verbueden
  • Sport ass just nach am private Kader erlaabt
  • Avertissement taxés gi verduebelt

Den Horesca-Secteur soll weider bis de 15. Januar zoubleiwen, Takeaway soll awer weiderhin erlaabt sinn.

Nodeems haut d'EI-Kommissioun den Impfstoff vu Pfizer/BioNTech zougelooss huet, sollen den 28. Dezember déi éischt Impfunge an der Victor Hugo Hal ulafen. An der éischter Phas soll d'medezinescht Personal geimpft ginn, Enn Januar soll et um Personal aus Alters- a Fleegeheemer sinn.

Déi ganz Mesurë mussen nach an der Chamber gestëmmt ginn.

Méi zum Thema

Liveticker
Coronavirus

Nom Regierungsrot de Moien informéieren d'Gesondheetsministerin Paulette Lenert an de Staatsminister Xavier Bettel iwwer Decisiounen, déi geholl goufen. Mir couvréieren d'Pressekonferenz an eisem Ticker.

 

Net verpassen

  • Mam 100,7-Mikro ënnerwee

    Max Feyder

    Eise jonke Freelancer Max Feyder aka Skibi ass an den nächste Woche mam 100,7-Mikro ënnerwee, fir an der Strooss Stëmmungsbiller anzefänken an d'Leit no hirer Meenung zu bestëmmten Theemen ze froen.

Dossieren

  • Olympesch Spiller 2021

    D'Olympesch Spiller fannen, mat enger Joer Verspéidung, tëscht dem 23. Juni bis den 8. August zu Tokyo statt. Fir eis op der Plaz ass eise Korrespondent Philip Crowther.

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen