Coronavirus Nei Teststrategie fir déi nächst Wochen

695 Neiinfektiounen bei ronn 82.900 Tester. Dat ass de Covid-19-Bilan vu leschter Woch, deen d'Gesondheetsministerin Paulette Lenert den Donneschdeg virgestallt huet. D'Zuele vun den Infektiounen goungen d'lescht Woch nach liicht erop.

Michèle Sinner / cz

Paulette Lenert, ministre de la Protection des consommateurs, ministre de la Santé

Zwee Drëttel vun deene Positive si symptomatesch. Och wann 72 Prozent vun den Infektiounen net am Kader vum Large Scale Testing detektéiert goufen. D'Gesondheetsministerin Paulette Lenert appelléiert dowéinst un d'Leit, sech en Test verschreiwen ze loossen, wa si liicht Symptomer hunn.

Si sot, et wier "largement am familiäre Beräich, wou d'Leit sech ustiechen a wou si d'Gestes barrières net respektéieren."

D'Strategie vun den Tester gëtt fir de Summer an den Hierscht adaptéiert. Am Süde vum Land, wou de Virus méi prevalent ass, soll aus all Stot ee Member getest ginn. Et soll och méi cibléiert am Hotellerie- a Restauratiounssecteur getest an e System en place gesat ginn, fir d'Saisonsaarbechter ze testen, déi am Hierscht kommen.

Nom Congé collectif: Kollektiv Vouchere fir d'Bauentreprisen

Am Bausecteur, wou méi Infektioune festgestallt goufen, solle fir de Retour aus dem Congé collectif Voucheren un d'Entreprise verdeelt ginn, fir hir Ekippen testen ze loossen.

"D'Iddi ass, datt een dat esou asetzt, datt een Echantillonen zitt an dann e globaalt Bild kritt iwwer zwou Wochen, wéi vill Prevalenz eventuell ass. An dat erlaabt eis eng gutt Surveillance vun den Ekippen an och eng Méiglechkeet, datt wann eppes Verdächteges wier fir ganz séier e Betrib duerchzetesten, wann dat misst sinn."

Bis Mëtt des Mounts soll eng Etüd iwwer de Verlaf vum Virus am Schoulkontext virleien. Déi Erkenntnisser an déi vun der europäescher Gesondheetsagence géifen afléissen an d'Planung fir verschidde Zenarie fir d'Schoulrentrée, esou d'Paulette Lenert.

An der Mediathéik:

Aktuelles / / radio 100,7
Lauschteren

Méi zum Thema

Simone Asselborn-Bintz
Coronavirus

An der Gemeng Suessem gouf et bis elo kee Cluster vu Corona-Infektiounen, esou déi nei Buergermeeschtesch vun der Süd-Gemeng. Firwat dat esou ass, kéint si awer net soen, esou d'Simone Asselborn-Bintz.

Ulf Nehrbass
Corona-Pandemie

Am Kanton Esch soll aus all Stot op d'mannst eng Persoun op de Coronavirus getest ginn, seet den Ulf Nehrbass. Eng 42.000 Awunner si concernéiert. Am Süde goufen a leschter Zäit méi Infektioune festgestallt.

Programm

Net verpassen

  • Offre d'emploi: Un(e) rédacteur(rice) web

    Webjournalist

    L'Etablissement Public de Radiodiffusion Socioculturelle recrute, pour entrée immédiate ou à convenir, Un(e) rédacteur(rice) web sous contrat à durée déterminée pour une durée de 12 mois et à temps plein.

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen