Demokratie 2018 Net déi néideg Ënnerschrëfte vun den Deputéierten?

Exklusiv Demokratie 2018
Pressekonferenz vun Demokratie

Dem Uschäin no huet keen Deputéierten d'Kandidatur vun der Biergerinitiativ Demokratie2018 mat senger Ënnerschrëft ënnerstëtzt. De leschte Freideg haten déi Responsabel vun där Biergerinitiativ virun der Press behaapt, datt se an alle véier Bezierker vun engem Deputéierte géifen ënnerstëtzt ginn. Dem Gesetz no brauch een, fir kënnen eng Lëscht ze deponéieren, fir all Bezierk d'Ënnerschrëft vun engem Deputéierten oder dräi Gemengeconseilleren oder 100 Bierger.

D'Fraktiounscheffen an der Chamber hunn op Nofro hinn dementéiert, datt si fir Demokratie2018 ënnerschriwwen hunn. Och bei der ADR an déi Lénk ass et een Dementi. "Fir LSAP-Deputéiert ass dat de Parteistatuten no net erlaabt", sou hire Fraktiounsspriecher Alex Bodry. Wann et een Deputéierte vun der DP soll gewiescht sinn, da kréich deen dofir net op d'Fangere geklappt, sou de Spriecher vun de Liberalen, Eugène Berger. Als Demokratesch Partei wéilt ee prinzipiell de Pluralismus ënnerstëtzen. Mëtt August leeft den Delai fir den Depot vun de Kandidatelëschten aus. Spéitstens da weess een dann och, de Fall gesat, wie wéi eng Lëscht ënnerstëtzt huet.

Dossieren

  • Sozialwahlen 2019

    Am Mäerz si Sozialwahlen. A ronn 3.500 Betriber, an deene méi wéi 15 Leit schaffen, ginn d'Personaldelegatioune bestëmmt. An déi 60 Vertrieder an der Salariatskammer ginn nei gewielt.

  • Pierre Werner

    "Pierre Werner, e Mënsch a sengem Joerhonnert" ass eng nei Podcast-Serie, déi de radio 100,7 zesumme mam Center for Contemporary and Digital History vun der Uni.lu entwéckelt huet.

Communiquéen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen