Rechter fir Behënnerter "Net vill geschitt"

Lëtzebuerg huet eng Partie Punkten aus der ratifizéierter UNO-Konventioun fir d'Rechter vu Behënnerten nach ëmmer net ëmgesat. D'Reform vun der Tutelle, d'Accessibilitéitsgesetz an déi perséinlech Assistenz fir Leit mat engem Handicap loossen op sech waarden, kritiséiert den Direkter vun Info-Handicap.

Mick Entringer / cz

Olivier Grüneisen
Olivier Grüneisen

Enn vum Joer leeft den nationalen Aktiounsplang fir Mënsche mat enger Behënnerung aus. Dee Plang sollt zu Lëtzebuerg d'Ëmsetzung vun der UNO-Konventioun fir d'Rechter vu behënnerte Persoune begleeden. Um Enn vun deem Prozess ass et d'Feststellung, datt vill Mesuren net ëmgesat goufen. Trotz Ukënnegung am Regierungsprogramm. Déi zoustänneg UN-Kommissioun hat Lëtzebuerg dowéinst kritiséiert, nodeems am August dëst Joer eng ministeriell Delegatioun zu Genf invitéiert gi war, fir de Point ze maachen.

Wou bleift d'Reform vun der Tutelle?

"Den Handicap gëtt ze vill medezinesch betruecht. Et muss méi op d'Rechter vun de Behënnerten insistéiert ginn", seet den Olivier Grüneisen. Domadder deelt den Direkter vun Info Handicap eng Haaptkritik vun der zoustänneger UNO-Kommissioun. Jidderee sollt an der Gesellschaft déi selwecht Rechter hunn.

E wichtegen Dossier an der Eegebestëmmung vun de behënnerte Persounen ass d'Reform vum Tutellëgesetz vun 1982. D'Aarbechten un der Reform hätten nach net ugefaangen, seet den Olivier Grüneisen. De Justizministère hätt awer ugekënnegt, datt deemnächst eng éischte Kéier en Aarbechtsgrupp zesumme wäert kommen, fir déi Reform virzebereeden. "Dat Tutellëgesetz ass vun 1982 a vereelzt. Am Moment gëtt iwwert dat Gesetz de Betraffenen hiert Geld verwalt. Déi Leit kënnen net wiele goen a sech net bestueden. Do erwaarde mir eis vill Ännerungen."

Gewaart gëtt op en Accessibilitéitsgesetz an op en neien Aktiounsplang fir Handicap (deen dëst Joer ausleeft). Och wat d'Fuerderung fir eng perséinlech Assistenz vu Behënnerten doheem betrëfft, wier bis elo ënnert dëser Regierung näischt geschitt, esou den Direkter vun Info Handicap. D'selwecht wat d'Kontroll ugeet iwwert de gesetzlech festgesate Prozentsaz vu behënnerte Salariéen an engem Betrib.

An der Mediathéik:

Invité vum Dag / / Mick Entringer
Lauschteren

Méi zum Thema

Ligue HMC
Inclusioun

Vill Mënsche mat enger geeschteger Behënnerung hunn de Wonsch no Autonomie. D'Liewen am Foyer huet Aschränkungen. Mat där néideger Ënnerstëtzung kann den Dram vun der eegener Wunneng Realitéit ginn.

Myriam Mersch-Zimmer
Jugendschutz

E feelt un Urgencëplaze fir Jonker a Schwieregkeeten ze betreien, seet d'Directrice vun der "Fondation Maison de la porte ouverte". Si fuerdert eng besser Gesetzgebung fir de Schutz vu Mannerjäregen.

Fabienne Rossler.JPG
Rechter vu Mënsche mat Behënnerung

Den UN-Comité fir d'Rechter vu Mënsche mat enger Behënnerung zitt ee gemëschte Bilan iwwert d'Ëmsetze vun der entspriechender Konventioun. Et wier nach net alles ëmgesat ginn, kritiséiert d'CCDH.

Rollstull
Chancegläichheet

D'UN-Konventioun fir d’Rechter vu Persoune mat Behënnerung muss zu Lëtzebuerg nach ëmgesat ginn. Eng besser Integratioun a manner Diskriminéierung fuerderen an deem Kader d'Behënnerten-Organisatiounen.

Programm

  • Virum Dag

  • On air

    Moies-Magazin

  • Iwwer Mëtteg

  • Resonanzen

  • Spektrum

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • De Grand-Duc Jean

    De Grand-Duc Jean ass dout: de fréiere Lëtzebuerger Staatschef ass e Méindeg Moien am Alter vun 98 Joer gestuerwen. Reaktiounen an Hannergrondbäiträg fannt dir an eisem Dossier.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • Offre d'emploi: 1 journaliste (m/f)

    L'Établissement de Radiodiffusion Socioculturelle, opérateur de la radio de service public radio 100,7, recherche pour ses rédactions un(e) journaliste

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen