Nei EU-Kommissioun steet Nicolas Schmit - EU-Kommissär fir "jobs"

Déi gewielten EU-Kommissiounspresidentin Ursula von der Leyen huet hier Equipe fir déi nächst fënnef Joer virgestallt. Den Nicolas Schmit soll fir de Volet Beschäftegung a Soziales zoustänneg ginn. De fréiere Lëtzebuerger Aarbechtsminister reagéiert zefridden.

Danièle Weber / cz

Nicolas Schmit
Nicolas Schmit

"Ech sinn zefridden an ech hat mir dat och erwaart". Dat ass d'Reaktioun vum Nicolas Schmit.

Säi Portefeuille géif deem entspriechen, wat d'Ursula von der Leyen him an engem vun de Gespréicher, déi hie mat hir hat, gesot huet.

Den Nicolas Schmit krut haut, wéi all déi aner Kommissären, seng Lettre de mission, an där seng Tâche méi genee beschriwwen ass. "Ech si frou doriwwer, wéi de Portefeuille beschriwwen ass", seet den Nicolas Schmit. Besonnesch de Saz, datt et drëm geet, "déi sozial Dimensioun vun Europa ze stäerken", géif him gefalen. "Dat ass d'Missioun fir déi nächst fënnef Joer. Dës Kommissioun wäert eng sozial Kommissioun sinn", sou seng Iwwerzeegung.

De Portefeuille vun der aktueller Kommissärin Marianne Thyssen an deem Ressort dréit den Titel: "Beschäftegung, Soziales, Qualifikatioun a Mobilitéit vun de Salariéeën". Elo heescht e just nach "Jobs" oder "Emploi".

Dat géif awer keen "Downgrade" fir dee Ressort bedeiten. An der Lettre de mission wieren all déi Beräicher, déi bis elo zum Portefeuille gehéiert hunn, ernimmt, erkläert den Nicolas Schmit. Hie gesäit sech an der Kontinuitéit vun der Aarbecht vun der Marianne Thyssen, déi den Ament europäesch Kommissärin fir Soziales ass. "Dat fänkt u mam Pilier vun de soziale Rechter, mat engem Aktiounsplang fir d'Prinzipie vun der Sozialpolitik ëmzesetzen. An zum Portefeuille gehéieren och d'Kompetenze vun de Leit, dat ass ee vun den zentrale Voleten", sou den Nicolas Schmit.


D'Danièle Weber am Gespréich mam Nicolas Schmit:

Lauschteren

Méi zum Thema

Ursula von der Leyen
Nei EU-Kommissioun

​13 Fraen a 14 Männer sinn op der provisorescher Lëscht vun de neien EU-Kommissären, déi d'Ursula von der Leyen proposéiert. De Nicolas Schmit ass och dobäi.

D'Urula von der Leyen
Nei EU-Kommissiounspresidentin

Mat knapper Majoritéit gouf d'Ursula von der Leyen als éischt Fra un der Spëtz vun der EU-Kommissioun gewielt. Eng dënn Basis, op där déi däitsch CDU-Politikerin elo hir Kommissioun opbaue muss.

D'Ursula von der Leyen
Presidence vun der EU-Kommissioun

D'Ursula von der Leyen huet an enger Ried am Europaparlament hir Iddie presentéiert. Et war hir lescht Chance méiglechst vill Deputéiert fir sech ze gewannen. Nach ass onkloer, ob et duer geet.

Lëtzebuerger Europadeputéiert
Méiglech Presidentin vun der EU-Kommissioun

Duerch d'Nominatioun vun der Ursula von der Leyen als nei Kommissiounspresidentin stellt sech d'Fro, wéi sech déi lëtzebuergesch EU-Deputéiert beim Vott decidéieren. Déi meescht vun hinne sinn, eegenen Aussoen no, nach ondecidéiert.

Matthias Kirsch
Chronik

D'Nominatioun vun der Ursula von der Leyen kéint d'Enn vun der Grousser Koalitioun bedeiten. Dat mengt eisen Däitschlandkorrespondent Matthias Kirsch a senger Chronik.

Programm

Net verpassen

  • The English guy is coming!

    Jim Kent.jpg

    "I'm really happy to be back on air in the Grand Duchy, which is where it all started for me and will endeavor to fill the airwaves with humorous and insightful observations on Luxembourg life combined with the best guests and music that you have come to expect from 100,7."

Dossieren

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

  • Weltdag vun de Kannerrechter

    Den 20. November ass de Weltdag vun de Kannerrechter. De radio 100,7 presentéiert an deem Kader verschidde Reportagen an Interviews, fir iwwer d'Rechter vun de Kanner opmierksam ze maachen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen