Fondatioun Kräizbierg OGBL fuerdert Accès zum Audit
Eisen Informatiounen no war den Aarbechtsgrupp vum Verwaltungsrot, vun der Fondatioun Kräizbierg gëschter Dënschdeg zesummen. Wéi et heescht hätt de Comité, deen aus sechs Membere vum Verwaltungsrot besteet e mëndlechen Tëscherapport vun der externer Evaluatioun gemaach kritt. Den Audit soll hëllefen de Konflikt tëschent Direktioun a Personaldelegatioun ze léisen. De 26. November soll de Verwaltungsrot zesummen kommen fir iwwer eventuell Decisiounen op Basis vum Audit ze diskutéieren. Ma den OGBL an d'Personaldelegatioun wëllen net sou laang waarde fir en Abléck ze kréien.
De Bäitrag vum Maxi Pesch lauschteren
D'Personaldelegatioun fuerdert, datt si den Tëscherapport vum externen Audit sou séier méiglech presentéiert krit,t esou d'Personaldelegéiert Daniela Willems. Déi Waardezäit wier mëttlerweil immens laang an hätt een en "erdréckend Gefill" beim Personal ausgeléist. Bis de 26. November wier och nach eng laang Zäit an d'Personal géif sech erwaarde fir an den nächsten Deeg Informatiounen ze kréien.
Positiv wier awer, datt vill Leit fir den Audit gelauschtert goufen, sou wéi d'Delegatioun et verlaangt hat. Den OGBL-Delegéierte Joel Delvaux geet dovun aus, datt ronn 80 Leit interviewt goufen.
"Och all déi Leit déi am Fong eisen Dossier ausgemaach hunn. Déi entweder gekënnegt kruten mat Raison totalement exagérée oder Leit, déi gaange sinn, well se et einfach d'Situatioun net méi ausgehalen hunn. Déi sinn och mat an den Audit agefloss a konnten hiren Temoignage ofginn."
Tëschent der Personaldelegatioun an dem Direktiounscomité vun der Diddelenger Fondatioun Kräizbierg gëtt et zanter Méint eng Vertrauenskris. Déi ganz Situatioun hätt och ee psycheschen Impakt op d'Awunner, esou d'Daniela Willems. Den OGBL hofft nach ëmmer, datt de Verwaltungsrot wäert handelen.
Méi zum Thema
Fondatioun Kräizbierg: OGBL fuerdert Demissioun vun der Direktioun
Den OGBL fuerdert d'Demissioun vun der Direktioun vun der Fondatioun Kräizbierg zu Diddeleng. E Wiessel wier néideg, fir datt déi sozial Missioun an den Atelieren a Foyeren erëm zur Prioritéit gëtt.
Konflikt Kräizbierg: OGBL a Personal diskutéieren iwwer Suitten
De President vun der APIA bedauert, datt d'Direktioun vun der Fondatioun Kräizbierg sech bis haut nach net zu de Reproche geäussert huet. Hie selwer hätt schlëmm Saachen héieren. Beschäftegter mat enger Behënnerung wieren exploitéiert ginn.
