Medien Onkloerheete bei de Critèrë fir Online-Pressehëllef

Zënter dësem Joer ass déi nei Online-Pressehëllef a Kraaft. Et krut awer nach kee Medium se accordéiert. 100,7-Informatiounen no ginn et Schwieregkeete bei der Interpretatioun vun de Critèren. Den Ament gi fënnef Demandë vun enger consultativer Kommissioun traitéiert.

Maxi Pesch / ys

Eng Journalistin schreift een Artikel
Foto: Bigstock / Avemario

D'Critèren, déi ee muss erfëlle fir Online-Pressehëllef ze kréien, wieren net präzis genuch formuléiert, heescht et vu Sourcen, déi no um Dossier sinn. Doduerch géif et e groussen Interpretatiounsspillraum bei der Decisioun ginn, wéi eng Medie sollen ënnerstëtzt ginn, a wéi eng net.

Am Reglement iwwer déi nei Pressehëllef heescht et zum Beispill, e Site misst "orginale Contenu" publizéieren, fir d'Hëllef ze kréien. Et ass awer onkloer, ob och Artikelen dorënner falen, déi schonn an enger ähnlecher Versioun an enger Zeitung publizéiert goufen, oder ob et guer keng Iwwerschneidungen däerf ginn. Aus dem Ministère heescht et just, datt de Contenu "kee Copy-Paste vun aneren Artikelen" dierft sinn.

Onkloer ass och, ob audiovisuell Medien, wéi Tëlee a Radio, vun der neier Subventioun kënne profitéieren.

Critèrë vu Komissioun ausgeschafft

D'Online-Pressehëllef gouf am Januar an engem Reglement vun der Regierung decidéiert. Si gesäit eng forfaitair Ënnerstëtzung vun 100.000 Euro fir eng Online Publikatioun vir. Am Staatsbudget 2017 si 450.000 Euro fir d'Online-Presshëllef virgesinn, zousätzlech zu den iwwer siwe Milliounen Euro, mat deenen de Print ënnerstëtzt gëtt.

Momentan leie fënnef Demandë vir. Déi gi vun enger consultativer Kommissioun analyséiert. Dës Kommissioun ass aus Vertrieder vun der Press, der Uni a vum Ministère zesummegesat. Si soll zu all Demande en Avis ausschaffen. Duerno soll de Medieminister Xavier Bettel decidéieren, wéi eng Medien déi nei Subventioun ausbezuelt kréien. Well d'Bestëmmungen am Reglement net präzis genuch sinn huet d'Kommissioun, Informatioune vum radio 100,7 no, selwer Critèren ausgeschafft, no deenen d'Demandë solle bewäert ginn.

Am Moment ass nach net gewosst, ob de Ministère den Text nach weider wëll preziséieren oder net. D'Bestëmmunge vum Reglement kéinte schlussendlech viru Geriicht getest ginn. Am Fall wou e Medium d'Hëllef refuséiert kritt a viru Geriicht geet, stellt sech eng weider Fro: Bezitt de Riichter sech eleng op d'Decisioun vum Medieminister Xavier Bettel, oder gëtt den Avis vun der consultativer Kommissioun och consideréiert?

Méi zum Thema

Chambre-des-Deputes
Medien

38 Milliounen Euro d'Joer investéiert d'Regierung vun 2021 un an d'Press. Och lokal Medie ginn an Zukunft méi ënnerstëtzt. Kritik gouf et awer ënnert anerem um Zäitpunkt vun der Debatt iwwert Medien.

Jean-Paul Hoffmann Analys
Medien

D'Chamber diskutéiert um Dënschdeg iwwer d'Evolutioun an d'Qualitéit vun der Press. Et ass deemno och en Debat iwwer de Publicitéitskuch a seng Verdeelung. Eng Chronik vum Jean-Paul Hoffmann.

Journalisten
Medien

Online-Medie stinn ënner groussem Drock, fir méi Lieser z'erreechen. Mee ass d'Juegd no méi Klicks wierklech den effikasste Wee fir Journalismus ze finanzéieren? A wei eng Alternative ginn et dozou?

Online-Medien.JPG
Medien

Online-Medie kënne vun 2017 un eng staatlech Ënnerstëtzung vun all Kéier 100.000 Euro am Joer kréien. D'Bedéngunge wieren allerdéngs duerchwuess, kritiséiere Vertrieder vun der geschriwwener Press.

Programm

  • Virum Dag

  • On air

    Moies-Magazin

    • Sequenza - Papp vun der franséischer Geie-Schoul

  • Iwwer Mëtteg

  • Resonanzen

  • Spektrum

Dossieren

  • Festival de Cannes 2019

    Alleguer d'Artikele vum Festival de Cannes 2019.

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen