Kultur "Opéra Monde" am Pompidou Metz

Op eisem Nationalfeierdag ass am Centre Pompidou-Metz d'Expo "Opéra Monde. La quête d'un art total" opgaangen. D'Iddi dofir koum vum lëtzebuergesch-belsche Musekolog a Metteur-en-Scène Stéphane Ghislain Roussel. Den Opere-Fan wëllt mat dëser Initiativ kloer maachen, datt entgéint alle Viruerteeler, d'Oper fir Fräiheet steet, datt esou eng Kreatioun all Mënsch inspiréieren a glécklech maache kann. Bei wiem dat scho funktionéiert huet, huet de Stéphane Roussel dem Kerstin Thalau erkläert.

Kerstin Thalau / cz

"Opéra Monde. La quête d'un art total"
Viru knapps dräi Wochen hat de Spektakel "Drawing on Steve Reich" an de Rotondë Première. D'Opféierung huet Museker vun den United Instruments of Lucilin, eng Kompositioun vum Amerikaner Steve Reich a Kanner, déi op déi live gespillte Musek eng Zort Mandala kreéiert hunn, zesummebruecht. Den Initiator a Metteur-en-scène dohannert: de Stéphane Ghislain Roussel, ausgebilte Musekolog, Violonist, deen der Musekfuerschung bis haut trei bliwwen ass, mee eis niewelaanscht mat allerlee interessanten - well ëm den Eck geduechten - Bühneproduktiounen erfreet. An elo also d'Expo am Centre Pompidou Metz. Ënner anerem well de Roussel e musikaleschen Drot zu der Directrice Emma Lavigne hat an huet.
All Kreatioun ass fir de Stéphane Roussel eng Mëschung tëschent Code a Fräiheet. Leider hätt d'Oper de Ruff, elitär a bourgeois ze sinn, mee seng Expo sollt mat dëse Viruerteeler e wéineg briechen. Schliisslech hätt de Genre eng Hellewull visuell Kënschtler net just beréiert, mee och inspiréiert.
Nieft hiren Exponate ginn et Wierker vum Bill Viola, William Kentridge, Arnold-Schönberg-Partitiounen, jo esouguer d'original Parzifal-Maquette vum Richard Wagner vun 1842 ze entdecken. Dat Ganzt an engem Parcours, deen un e Labyrinth erënnert, an deem ee sech positiv verire kann. Eng Zeenographie, déi provozéieren an transforméiere soll.

An der Mediathéik:

Kultur / / Kerstin Thalau
Lauschteren

Méi zum Thema

Quick and Dirty 2
Konschtausstellung

"Quick and Dirty", zweet Editioun: Néng Konschtfotografe gi sech an engem ale verfroossene Privathaus zu Bouneweg fir e knaschtege Quickie hier. D'Kerstin Thalau war e verloosst Haus kucken.

MNHA Collections
Online-Ausstellung

Den nationale Patrimoine preservéieren an accessibel maachen: dat sinn zwee Ziler vun der Stratégie de numérisation vum Kulturministère. En Deel vun der Sammlung vum MNHA kann een elo online kucken.

Programm

Dossieren

  • 76. Filmfestival zu Venedeg

    Zu Venedeg ass déi 76. Editioun vum Filmfestival. Den Tom Dockal ass fir de radio 100,7 op der Plaz. All Dag pickt hie sech ee Film eraus, fir deen da méi genee ënner d'Lupp ze huelen.

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen