Juristesche Bäistand am Asylrecht ASBL Passerell: "Ouni Projete musse mer ophalen"

Zanter 2016 besteet d'ASBL Passerell, eng Associatioun vun Affekoten déi Asyldemandeuren, Flüchtlingen a Migrante juristesche Bäistand gëtt. D'Aktivitéite vun der ASBL sinn elo aus finanzielle Grënn a Gefor. E Schëllege gesäit d'ASBL och: De Justiz- respektiv Ausseministère, dee keng europäesch Projeten an dësem spezifesche Beräich géing ausschreiwen. De Ministère selwer erkläert, et hätt ee keng Budgete fir esou eng ASBL laangfristeg ze finanzéieren.

Jacques Ganser / sam

ASBL Passerell

Lauschteren


En agreabele Partner ass d'Associatioun, déi véier fest Mataarbechter huet, net - scho guer net fir d'Direktioun vun der Immigratioun, géint déi 2020 e Recours ageluecht gouf.

D'Affekote vu Passerell geheien der Administratioun, déi dem Ausseministère ënnersteet, vir, den Demandeure keen Accès zu de Asylprozedure garantéiert ze hunn.

D'ASBL konnt bis elo duerch d'Ënnerstëtzung vun der Œuvre Nationale de Secours Grande-Duchesse Charlotte finanzéiert ginn, mee dee Support ass ëmmer nëmmen temporär.

D'ASBL, déi eegenen Aussoen no eng 15.000 Euro de Mount brauch, hat sech bis elo aus privaten Donen an ëffentleche Fonge finanzéiert.

Problemer bei Accès zu europäesche Projeten

Op laang Sicht hat een awer gehofft sech iwwer europäesch Projete finanzéieren ze kënnen, déi hei am Land ausgeschriwwe ginn, sou d'Passerell Presidentin Catherine Warin:

"[...] ce qu'on constate ces dernières années c'est que sur notre créneau d'activité, notre coeur de métier, on n'a pas la possibilité de candidater pour des appels à projets. Parce qu'en fait ces appels à projets sont conçues de telle sorte que notre coeur de métier n'est pas couvert par ces appels."

Zu Lëtzebuerg géif einfach de Wëlle feele fir sech u Projeten ze bedeelegen, déi den Ëmgang mam Asylrecht kritesch hannerfroen, sou nach d'Catherine Warin.

Dat géif zum Beispill de Projet AMIF (Asylum Migration and Integration Fund) betreffen. Hei hätt ee sech fir d'Ausschreiwung gemellt, Lëtzebuerg géif awer net emol d'Konditiounen transparent duerleeën;

"Là par exemple ce qui est problématique, ce nouvel appel à projet pour des fonds européens, c'est que cet appel à projet conçu par le ministère luxembourgeois des affaires étrangères, il est basé sur un programme, un document que les autorités luxembourgeoises refusent de nous communiquer."

Aner Staate géifen déi Dokumenter allerdéngs ëffentlech maachen, sou d'ASBL.

Reaktioune vum Ausseministère

Den Ausseminister Jean Asselborn wollt op Nofro näischt zu dem Dossier soen. Hien huet awer dorop higewisen, datt ee limitéiert Budgeten hätt a verschidden Associatioune géif ënnerstëtzen, dorënner och Passerell.

Parallel géif de Staat all Demandeur gratis en Affekot stellen. Eng Léisung wier eventuell en vue, well et weider Gespréicher mat der Œuvre solle ginn, sou nach de Jean Asselborn.

Bei Passerell weess een näischt dovunner, et stëmmt allerdéngs, datt ee fir e weidere Projet kandidéiert hätt: Do geet et ëm d'Rechter vu Leit, déi aus der Ukrain flüchten, ouni déi ukrainesch Nationalitéit ze hunn.

Méi zum Thema

Ambre Schulz
Vereenegung Passerell

Ukrainesch Flüchtlingen a Mënschen, déi virum Krich an der Ukrain gelieft hunn, kënnen een Statut de protection temporaire kréien. Domat kréien se een Zougang zum Aarbechtsmaart.

Net verpassen

Programm

Dossieren

  • Saint-Malo: "Étonnnants Voyageurs"

    Saint-Malo ass déi Plaz, wou déi sougenannt ''littérature-monde'' gefeiert gëtt. Den 100,7 war bei der leschter Editioun vum Festival Étonnants Voyageurs am Juni dobäi.

  • Dossier: Cannabis-Legalisatioun

    Nach am Laf vun dësem Joer soll e legale Kader ausgeschafft ginn, fir e staatlech kontrolléierten Ubau vu Cannabis fir medezinesch Zwecker zu Lëtzebuerg méiglech ze maachen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen