#Chamberleak Parquet ageschalt

Mars di Bartolomeo
Mars di Bartolomeo (Foto: Archiv)

No der Sécherheetspann op chamber.lu huet de Chamberbureau de Mëtteg unanime decidéiert, d'Informatiounen un de Parquet weiderzeleeden. Dat huet de Chamberpresident Mars Di Bartolomeo annoncéiert, nodeems d'Fraktiounsvertrieder vun CSV, LSAP, DP an déi gréng zwou Stonne laang zesummesouzen.

Wiem seng Responsabilitéit?

De Mars Di Bartolomeo schwätzt vun enger "schlëmmer Pann, déi dozou gefouert huet, datt sensibel Dokumenter net méi geschützt waren".

D'Chamber huet dowéinst zwou Aktiounen annoncéiert:

  • Eng intern Enquête iwwert déi eege Feeler. Detailer dozou goufen awer net genannt.
  • D'Aschalte vum Parquet, well een net wéisst, wéi vill Persoune während der Sécherheetspann Zougrëff op vertraulech Informatiounen haten. Dës Woch wiere massiv Donnéeën erofgeluede ginn. Dat wier keng Bagatelle, esou de Mars Di Bartolomeo: "Mir wësse jo net, wat mat deenen Donnéeë geschitt. Am Interêt vun de Leit an den Institutiounen (Note vun der Redaktioun: vun der Chamber) musse mir déi néideg Schrëtt ënnerhuelen". D'Pann wier keng Bagatelle, d'Opsuckele vun Daten och net.

Warnung oder Appell?

De Chamberpresident huet un déi Leit, déi vertraulech Donnéeë gesinn hunn, den Appel gemaacht, responsabel an deontologesch korrekt mat den Informatiounen ëmzegoen. D'Chamber géif sech d'Optioun fir weider Schrëtt oploossen.

Op d'Fro, ob d'Chamber d'Dateschutzkommissioun aschalt, sot de Mars Di Bartolomeo, en hätt um radio 100,7 héieren, datt d'CNPD sech mat der Affär beschäftegt. Hie géif dovun ausgoen, datt do ganz séier e Kontakt entsteet.

De Mëttwoch den Owend hat de radio 100,7 d'Sécherheetslacune bei chamber.lu opgedeckt. Fir d'Pann ze behiewen, war de Chambersite dono während 35 Stonne vum Netz geholl ginn.


De Claude Biver am Panorama de Freideg, 9. Mäerz um 18 Auer:

Lauschteren


Méi zum Thema

Chamber-2.JPG
#ChamberLeak

Den Internetsite vun der Chamber war méi wéi 30 Stonnen offline. Grond dofir ware Recherchë vum radio 100,7. Et wier keng Intrusioun gemaacht ginn, seet den 100,7-Chefredakter. D'Informatioune wieren ëffentlech iwwer de Chambersite accessibel gewiescht.

Tine Larsen.JPG
#chamberleak

D'Sécherheetslacune um Internetsite vun der Chamber beschäftegt elo och déi national Dateschutzkommissioun, seet d'Presidentin. Et misst een ofwaarden, ob d'Dateschutzkommissioun eng Enquête opmécht.

Chamber
#Chamberleak

D'Presidente vun de Chamberfraktioune si besuergt nom Opdecke vun der Sécherheetslacune um Internetsite. Wat genee geschitt ass, schéngt nach net kloer. Et wéilt een Analysen ofwaarden, heescht et.

Chamberleaks3. Exklusiv
#ChamberLeak

Um Internetsite vun der Chamber ware bis e Mëttwoch den Owend eng ganz Partie intern a sensibel Dokumenter net adequat geséchert. Dat weise Recherchë vum radio 100,7.

Programm

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen