UEL Patronat fuerdert weider Baisse vu Betribsbesteierung

Ënnert der leschter Regierung war de Besteierungstaux scho vun 29 op 26 Prozent erof gaangen. Mä d'Betriber géifen haut 50 Prozent méi Steiere bezuelen, wéi nach viru fënnef Joer, seet de Michel Wurth. Grond wier déi gutt Wirtschaft, mee och eng méi breet Besteierung wéinst europäesche Reegelen. Lëtzebuerg wier dowéinst net méi kompetitiv genuch, mengt den UEL-President.

Mick Entringer / fk

Michel Würth
Michel Wurth

D'Reform vum Aarbechtsrecht a méi Flexibiliséierung ass eng aner Fuerderung vun der UEL. No Adaptatioune fir d'Salariéë mam Ausbau vum Congé parental, wier et elo un de Betriber, seet de President vum Patronatsverband a vun der Chambre de Commerce. Betriber bräichten eng gewëss Flexibilitéit. Wa méi Aarbecht do wier, kéint och méi geschafft ginn, an ëmgedréint, esou de Michel Wurth.

"Et ass nëmmen esou, datt mir méi héich Produktivitéit kënne kréien an déi héich Léin, déi zu Lëtzebuerg bezuelt ginn, och kënne weider bezuelt ginn."

"Ee Kand an de Réck gemaach"

An der Bipartite hätt ee versprach kritt, datt et an d'Richtung vun enger Reform vum Aarbechtsrecht am Sënn vum Patronat géif goen.

"An du krute mir ee Kand an de Réck gemaach - wéi een dat op Lëtzebuergesch seet - aus parteipolitesche Grënn. Dat hu mir immens regrettéiert. Wann ech haut mat de Kleng- a Mëttelbetriber schwätzen, da soe si: "Dat dote geet elo duer."

Eng weiderer Aarbechtszäitverkierzung wier fir d'UEL keng Optioun. "Mir sinn einfach hei zu Lëtzebuerg ze deier par Rapport zu de Nopeschregiounen", esou nach de Michel Wurth. Wann een hei am Land de "Kär vun der Lëtzebuerger Wirtschaft" wéilt halen - am Handel, am Handwierk an am Horesca-Beräich - dann dierft een net maachen, "wéi wann d'Ëmfeld ronderëm eist Land net géif existéieren."

An der Mediathéik:

Invité vum Dag / / Mick Entringer
Lauschteren

Méi zum Thema

Wat fir eng Steierpolitik fir Lëtzebuerg?
Chamberwahlen 2018

Wat fir eng Besteierung fir Stéit, Betriber a Patrimoine? Et diskutéieren: Jerry Weyer, Sam Tanson, Alex Bodry, Gilles Roth, Ali Ruckert, Pierre Gramegna, Alex Penning, Carole Thoma, Mario May.

Programm

  • Virum Dag

  • On air

    Moies-Magazin

    • Noriichten

  • Iwwer Mëtteg

  • Resonanzen

  • Spektrum

Dossieren

  • Leipziger Buchmesse 2019

    D'Valerija Berdi an de Michel Delage waren dëst Joer fir de radio 100,7 op der Leipziger Buchmesse. All hier Artikelen a Bäitrag zum Thema fannt Dir hei.

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen