Gesondheetssystem Paulette Lenert: "D'Spideeler sinn un der absolutter Limitt

D'Spideeler sti kuerz virdru hir déi normal Behandlungen nach méi staark zeréckzeschrauwen, esou d'Gesondheetsministerin. Déi nächst Phas vum Covid-Plang fir d'Spideeler wier "imminent", esou d'Paulette Lenert. Wann et esou wäit kënnt, da missten d'Spideeler Traitementer, déi näischt mam Covid ze dinn hu massiv aschränken. Déi Limitt wier bal areecht, seet d'Gesondheetsministerin.

Rick Mertens (Interview) / Chris Zeien (Web)

Paulette Lenert
D'Gesondheetsministerin Paulette Lenert. Foto: Archiv

D'Situatioun kéint mëttelfristeg net esou bleiwen, esou d'Gesondheetsministerin Paulette Lenert.

"Eis Zuele mussen erofgoen, well et effektiv an engem Parage ass, wou een dat vläicht eng, zwou, dräi Wochen esou ka geréieren. Mee da si mer dann an enger Situatioun, wou mer wierklech net wëllen hikommen, well soss de Gesondheetssystem fir d'Allgemengheet einfach net méi deen ass, deen ee sech an der Dauer erwaart."

Am Moment wier d'Situatioun awer nach net esou dramatesch, datt "op der Sekonn" nei Mesurë misste geholl ginn, esou d'Paulette Lenert. Et géife verschidden Indicateure ginn, déi op eng Entspanung hindeiten. Zum Beispill hätten d'Traitementer sech verbessert, an d'Covid-Patiente missten dofir net méi esou laang am Spidol behandelt ginn, wéi wärend der éischter Well.

Op et duergeet fir op Dauer vu méi strenge sanitäre Mesuren ofzegesinn, géif sech an den nächsten Deeg weisen, esou d'Gesondheetsministerin.

An der Mediathéik:

Invité:e vum Dag / / Rick Mertens
Lauschteren

Méi zum Thema

Statistiken zur Corona-Pandemie
Corona-Pandemie

Mat 225 Hospitalisatioune si lo méi Covid-Patienten an de Spideeler wéi zum Héichpunkt vun der éischter Corona-Infektiounswell am Fréijoer. An d'Ofwaasserwäerter sinn nees geklommen.

Net verpassen

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen