Sozialdialog Ee Matsproocherecht, dat vergiess gouf

Den Aarbechtsministère wëllt eng Rei Entreprisen drop hiweisen, datt si d'Aarbechtsrecht aktuell net respektéieren. An zwar well si anescht wéi virgesi keng Personalvertrieder an hirem Verwaltungsrot hunn. Dat geet aus der Äntwert vun der Regierung op eng parlamentaresch Fro vun der Piratepartei ervir.

Pia Oppel / cz

Aarbechtsministère
Foto: Archiv

An all Société Anonyme bei där de Staat iwwer 25 Prozent vun de Parten huet, muss d'Personal am Verwaltungsrot vertruede sinn. Esou heescht et am Code du Travail. Datt dat dacks net respektéiert gëtt, hat de radio 100,7 gemellt. D'Piratepartei hat doropshin eng parlamentaresch Fro gestallt. An hirer Äntwert confirméieren de Finanzminister Pierre Gramegna an den Aarbechtsminister Dan Kersch eis Meldung.

D'Regierung muss d'Entreprisen, déi d'Krittären erfëllen, an engem groussherzoglechen Arrêté festhalen: Op där Lëscht stinn d'Luxair, Luxairport, d'Cegedel (déi no enger Fusioun 2009 Creos heescht an elo zum Grupp Encevo gehéiert), d'SES an d'CLT (haut: CLT-UFA).

Et feelen: 20 anonym Societéiten, bei deenen de Staat eegenen Angaben no méi wéi ee Véierels vun de Parten huet. Dorënner LuxConnect, Luxtrust a Luxtram.

Keng Reklamatiounen

D'Ministere präziséieren, datt dräi vun dësen Entreprisen trotzdem een oder méi Personalvertrieder an hirem Verwaltungsrot hunn, nämlech BGL BNP Paribas, Encevo an d'Agence Luxembourgeoise de Sécurité Aérienne.

De Ministeren no wiere "keng Reklamatiounen zu dësem Punkt agaangen, weder vu Gewerkschaftssäit nach vun den Delegatiounen aus deene betraffene Betriber".

Kee Kommentar zu méigleche Konsequenzen

Wann elo no de Sozialwahlen déi nei Personaldelegatiounen en place sinn, wëllt den Aarbechtsministère déi betraffe Gesellschaften op d'Bestëmmunge vum Code du Travail hiweisen, heescht et nach an der Äntwert.

Et stellt sech d'Fro, wat de Ministère mécht, wann d'Entreprisë sech trotzdem net drun halen an ob geplangt ass fir den Arrêté ze ergänzen. Dozou wollt den Aarbechtsministère sech op eis Nofro hin net äusseren.

Méi zum Thema

Resultater Sozialwahlen Analys
Sozialwahlen 2019

An den Etablissementer mat iwwer 500 Salariéë kréien d'Gewerkschafte bal 90 Prozent vun den Delegéiertemandater. Den OGBL verléiert liicht un Zoustëmmung beim Personal, während den LCGB gewënnt.

Eng Versammlung
Sozialwahlen 2019

An enger S.A., bei där de Staat iwwer 25 Prozent vun de Parten huet, muss d'Personal am Verwaltungsrot vertruede sinn. Dat gëtt net ëmmer agehalen, well keen d'Applikatioun vum Gesetz afuerdert.

Programm

  • Virum Dag

  • On air

    Moies-Magazin

  • Iwwer Mëtteg

  • Resonanzen

  • Spektrum

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Festival de Cannes 2019

    Alleguer d'Artikele vum Festival de Cannes 2019.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen