Piratepartei PID ass iwwerrascht

D'Piratepartei huet kee President méi. Duerch eng Statutenännerung ass déi Funktioun ofgeschaaft ginn. De Sven Clement, deen d'Partei néng Joer ugefouert huet, ass Éierepresident genannt ginn.

Christiane Kleer / cbi

D'Piratepartei nom Kongress am Februar 2019
Vu lénks no riets: Lucie Kunakova (Tresorière), Marie-Paule Dondelinger (Co-Spriecherin), Marc Goergen (Koordinateur), Starky Flor (Co-Spriecher), Daniel Frères (Vize-President).

Un der Spëtzt vun der Piratepartei stinn elo de Starsky Flor an d'Marie-Paule Dondelinger. Alle béid stoungen op der Piratelëscht fir d'Chamberwahlen a sinn et och elo fir d'Europawahlen am Mee.

Fir Onmutt suergt allerdéngs, datt d'Marie-Paule Dondelinger Member vun der PID (Partei fir Integral Demokratie) ass, déi Partei also, mat där d'Piratepartei ee Bündnis fir d'Chamber- an d'Europawahlen agaangen ass. D'Presidentin vun der PID, d'Angie Dasbach, wousst net, datt eng vun de Membere vun hirer Partei Kandidatin fir d'Spëtzt vun der Piratepartei wier. D'PID wier dat aus der Press gewuer ginn, an et wier een "e bësselche geschockt" an et misst een dat "eemol sacke loossen", seet si.

Angie Dasbach (PID): Vertrauensbroch

D'Angie Dasbach schwätzt vun engem Vertrauensbroch, trotz oder grad wéinst dem Bündnis tëschent PID a Piratepartei. Kandidate vun der PID konnte jo bei de Chamberwahlen ënner Piratefändel untrieden a kënnen dat och bei den Europawahlen.

D'Marie-Paule Dondelinger trëtt iwwregens selwer als eenzege PID-Member de 26. Mee op der Piratelëscht un. Déi Concernéiert sot eis op Nofro hin, d'Leedung vun der der PID wier iwwer hir Kandidatur informéiert gewiescht, nuancéiert awer och: Et misst ee sech net ofschwätzen, well een en Accord ënnerschriwwen hätt.

Marc Goergen: Béid Parteie solle fusionéieren

Den Deputéierte vun der Piratepartei Marc Goergen, fréiere Generalsekretär an zanter haut Coordinateur vun der Partei, wonnert sech iwwer d'Aussoe vun der PID-Presidentin. Hie gesäit awer zu dësem Zäitpunkt nach ëmmer Potenzial an der Zesummenaarbecht vu béide Parteien, och iwwer d'Europawahlen eraus.

"Also mäi Wonsch wier et gewiescht, datt béid Parteien zesumme fusionéieren, well dat jo awer gutt fonctionnéiert huet, an ech géif et nach ëmmer begréissen, wa béid Parteien dee Wee zesumme géife fannen."

De Marc Goergen präziséiert och nach, datt d'Marie-Paule Dondelinger als Member vum Präsidium vun de Piraten elo och Member vun der Partei ass.

Méi zum Thema

Europakongress vun der Piratepartei
Piratekongress

D'Piratepartei huet als éischt Partei hei am Land hir Kandidate fir d'Europawahlen designéiert. De Kongress ass ouni Diskussiounen iwwer d'Bühn gaangen. Parteiintern Tensioune ginn et awer weiderhin.

Sven Clement
Accord Piratepartei-ADR

De President vun der Piratepartei steet hanner der Entscheedung, e Groupe technique mat der ADR ze maachen. De Sven Clement seet awer, datt een den emotionalen Aspekt vun der Entscheedung ënnerschat hätt.

Gast Gibéryen - Sven Clement
Chamberwahlen 2018

D'ADR an d'Piratepartei wëlle fir déi nächst fënnef Joer een technesche Grupp forméieren. Et géif dorëm goen, d'Aarbecht an der Chamber ze optiméieren. Politesch Zesummenaarbecht soll et awer keng ginn.

Marc Goergen
Chamberwahlen 2018

Tëscht DP an LSAP situéiert de Marc Goergen seng Partei am politesche Spektrum. Mat engem Akzent op Ëmweltthemen. D'Pirate wéilten - anescht wéi déi gréng - Ureizer ginn an net Verbueter schafen.

Programm

Dossieren

  • Sozialwahlen 2019

    Am Mäerz si Sozialwahlen. A ronn 3.500 Betriber, an deene méi wéi 15 Leit schaffen, ginn d'Personaldelegatioune bestëmmt. An déi 60 Vertrieder an der Salariatskammer ginn nei gewielt.

  • Pierre Werner

    "Pierre Werner, e Mënsch a sengem Joerhonnert" ass eng nei Podcast-Serie, déi de radio 100,7 zesumme mam Center for Contemporary and Digital History vun der Uni.lu entwéckelt huet.

Communiquéen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen