An zéng Deeg géifen elo alleguer d'Leit déi mat den Infizéierten a Kontakt waren, oder déi Angscht hu sech méiglecherweis infizéiert ze hunn, nach eng Kéier getest ginn. Soulaang bleiwen déi Infizéiert och isoléiert.
Mat den zwee Detenuen déi sech viru ronn zwou Wochen am Prisong infizéiert haten, ginn et dann elo genee sechs confirméiert Coronavirus-Infektioune bei Detenuen am Prisong. Rezent Infektioune vum Prisongspersonal schléisst de Serge Legil aus. Den Direkter vun der Prisongsverwaltung schléisst och aus, datt d'Infektiounen op e rezenten Neizougang zeréckzeféiere wier.
Aktuell wier d'Coronastatioun am Prisong mat de sechs Detenue komplett beluecht. Sollt et zu weideren Infektioune kommen, géifen et awer nach Méiglechkeete ginn, fir d'Capacitéite bannent dem Prisong eropzesetzen, sou de Serge Legil.
Den Donneschdeg an de Freideg soll déi komplett Prisongspopulatioun geimpft ginn, ausgeschloss sinn Detenuen déi eng aktiv Infektioun hunn.