An Däitschland an an der Belsch géif fir Lëtzebuerger Residenten prinzipiell nach ëmmer eng Qurantänsflicht gëllen, wann och mat enger Rei vun Ausnamen. An enger Rei däitsche Bundeslänner géif et eng Ausnam fir all Deplacement vu manner wéi 24 Stonne ginn, dorënner sinn d'Saarland a Rheinland-Pfalz.
An allen däitsche Länder, mat Ausnam vu Schleswig-Holstein a Mecklenburg-Vorpommern, géifen et och Ausname bei der Quarantänsflicht ginn, wann een een negative Corona-Test huet, dee manner wéi 48 Stonnen al ass.
Och an der Belsch gëllt eng Quarantänsflicht fir Residenten aus dem Grand-Duché, mat enger Ausnam bei engem Openthalt vu manner wéi 48 Stonnen. Bei engem Openthalt vu méi wéi 48 Stonnen an der Belsch, muss schonn zanter Ufank Oktober e Formulaire ausgefëllt ginn.
A Frankräich gëtt et keng Quarantänsflicht, mee zanter dem neie Confinement e Freideg ginn et Deplacementsrestriktiounen. Eng Attestatioun ass néideg fir Deplacementer a Frankräich ze justifizéieren, esou de Lëtzebuerger Ausseministère.