Nominatioun radio 100,7: Marc Gerges gëtt Direkter

De Marc Gerges gëtt neien Direkter vum radio 100,7. Dat huet de Laurent Loschetter, President vum Verwaltungsrot, de Mëtteg dem Personal vun dësem Radio matgedeelt.

Redaktioun

Marc Gerges
Den neien Direkter vum radio 100,7 Marc Gerges

Den 51 Joer ale Marc Gerges ass den Ament nach Marketingdirekter vum LuxairGroup. Seng Carrière huet hien als Journalist ugefaangen. Hie war véier Joer laang Journalist an der Wochenzeitung d'Lëtzebuerger Land an zwee Joer laang Vize-Chefredakter vun der franséischsproocheger Dageszeitung Le Quotidien.

De Marc Gerges fänkt den éischte Juli a senger neier Funktioun un. Hien iwwerhëlt d'Plaz déi fräi ginn ass, well de fréieren Direkter Enn September 2018 demissionéiert hat. De Jean-Paul Hoffmann hat géigeniwwer RTL gesot, hien hätt net méi d'Vertraue vu sengem eenzegen Aktionär, dem Staat, gehat.

D'Decisioun fir de Marc Gerges ze rekrutéieren ass virgëscht am Verwaltungsrot vum radio 100,7 gefall. Zwee Membere vum Verwaltungsrot, de Laurent Loschetter an d'Tania Brugnoni, hunn dem Verwaltungsrot eng Selektioun vun dräi Kandidate proposéiert. Dee "Comité de sélection" gouf vum Headhunter Matthias Gerstlauer begleet.

De radio 100,7 ass den ëffentlech-rechtleche Medium zu Lëtzebuerg.


Den offizielle Communiqué vum Verwaltungsrot vum radio 100,7:

Liesen

Méi zum Thema

Xavier Bettel
Radio 100,7

De Premier- a Medieminister Xavier Bettel erkennt un, datt et strukturell Risike fir d'Onofhängegkeet vum ëffentlech-rechtleche Radio ginn. Iwwer d'Gouvernance misst diskutéiert ginn.

Jean-Paul Hoffmann
radio 100,7

Den Direkter vum radio 100,7 huet demissionéiert. No fënnef Joer un der Spëtzt vun dësem Radio wier d'Zäit fir e Wiessel komm, esou de Jean-Paul Hoffmann. Säi Preavis leeft bis Enn November.

Net verpassen

  • Dëse Sonndeg um 11:00 LIVE aus der Congresshalle zu Saarbrécken

    DRP

    Eng Symphonie mat Piano - Esou gëtt dacks dem Johannes Brahms säin zweete Pianosconcerto beschriwwen. De russesche Pianist Nicolai Lugansky spillt dëst Wierk an där nächster Matinée vun der Deutschen Radio Philharmonie Saarbrücken Kaiserslautern, déi de radio 100,7 zesummen mat SR2 KulturRadio e Sonndeg, 15. Dezember 2019, vun 11.00 Auer u live aus der Congresshalle zu Saarbrécken iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen