Et wier zu substantiellem Materialschued komm, mee kee blesséiert ginn. Der Police no hate 25 Prisonéier am Prisong randaléiert. Wéi de Justizministère schreift, géif et keen direkten Zesummenhang tëschent der Rebellioun an de Moossnamen ronderëm d'Corona-Pandemie. Visitten an Fräizäitaktivitéite waren an deem Kontext gestrach ginn.
Et géif een d'Revendicatioune vun de Prisonéier awer seriö huelen. Dës haten notamment besser Hygiènesmesurë gefuerdert. De Justizministère schreift, datt zu Schraasseg elo eege Schutzmaske produzéiert ginn. Et wier och gefuerdert ginn, datt et wéi et am Ausland deels de Fall war, zu fréien Entloossunge kënnt. Deem géif een awer net nokommen, well een net an enger Situatioun vun Iwwerpopulatioun wier.