Chamberwahlen 2018 "Remboursement vun Dokteschcotisatioune steet net am Wahlprogramm"

Leit, déi ee Joer laang net bei den Dokter ginn, sollen een Deel vun hire Cotisatiounen zeréckkréien. Déi Iddi huet de Jean Colombera - Kandidat fir d'Piratepartei am Norden - de Mëttwoch op enger Pressekonferenz lancéiert. Dës Fuerderung steet net tel quel am Wahlprogramm. Dat confirméiert den Zentrumskandidat vun der Piratepartei Jerry Weyer. D'Kandidatin vun déi Lénk am Norden Tréis Gorza betount, datt si guer näischt vun der Iddi vum Jean Colombera hält. De Prinzip vun der Solidaritéit misst spillen.

Serge Kesseler / cz

2018-09-29-Fàf-Weser-Gorza
Jerry Weyer (Piratepartei) an Tréis Gorza (déi Lénk)

Anescht wéi DIE LINKE an Däitschland ass déi Lénk hei am Land net fir e steierfinanzéiert Grondakommes fir Jiddwereen. Dat wier zwar eng ganz sympathesch Iddi, esou d'Nord-Kandidatin vun déi Lénk Tréis Gorza. Den Hoke bei der Saach wier awer, datt d'Iddi kéint pervertéiert ginn. D'Zomme vun engem Grondakommes, déi genannt ginn, géifen ënner dem Existenzminimum leien.

D'Piratepartei proposéiert als laangfristeg Léisung e Grondakommes ouni Géigeleeschtung fir Jiddwereen. Dat wier eng Léisung fir den Ëmstand, datt an Zukunft Aarbechtsstonnen an Aarbechtsplaze wäerten ewech falen, erkläert den Zentrums-Kandidat Jerry Weyer.

Nei Etüde géife weisen, datt vläicht schonn 2025 méi wéi d'Hallschent vun den Aarbechtsstonne vu Roboteren oder automatiséierte Systemer wäerte gemaach ginn. D'Grondakommes wier an deem Kontext als Reaktioun ze verstoen, fir eng Existenzsécherung ze garantéieren, ouni mussen op eng bezuelbar Aarbecht ugewisen ze sinn.

Anescht wéi an der Vergaangenheet nennt d'Piratepartei an hirem Programm fir d'Chamberwahlen 2018 keng Zomm méi, wéi héich e Grondakommes soll sinn. Doriwwer misst eng gesellschaftlech Diskussioun gefouert ginn, esou de Jerry Weyer.

Ziler fir d'Chamberwahlen 2018

Bei de Chamberwahlen 2013 war d'Piratepartei eng éischte Kéier ugetrueden an hat 2,9 Prozent vun de Stëmme kritt. Dat war net duer gaange fir e Sëtz an der Chamber.

Dëst Joer wier et d'Zil, wéinstens ee Sëtz an dëse Bezierker ze kréien. "Et ass elo Zäit, datt d'Piraten an d'Chamber kommen".

déi Lénk hat bei de Chamberwahle viru fënnef Joer hir Zuel vun de Sëtz an der Chamber op zwee verduebelt, mat 4,9 Prozent vun de Stëmmen. Wéi vill Sëtz sollen et - dem Tréis Gorza no - nom 14. Oktober sinn?

"Ech widderhuelen dem Här Baum seng Ausso vu gëschter nach eng Kéier. Mir striewen eng Fraktioun un. Mir mierken, datt mir Zousproch kréien. Mir hoffen och, datt mir Frae vun déi Lénk an d'Chamber kréien, dat läit mir perséinlech staark um Häerz."

An der Mediathéik:

Chamberwahlen 2018 / / Serge Kesseler
Lauschteren

Méi zum Thema

Tiers payant Illustratioun
Tiers payant

Weiderhin déck Loft tëscht der Doktesch-an Zänndokteschassociatioun AMMD engersäits, an dem Sozialminister an der CNS anerersäits. Een Ausléiser sinn d'Diskussiounen ëm d'Verallgemengerung vum Tiers Payant System.

Programm

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Festival de Cannes 2019

    Alleguer d'Artikele vum Festival de Cannes 2019.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen