Arméi Reorganisatioun vun der Arméi am Regierungsrot ugeholl

De Gesetzesprojet iwwer d'Organisatioun vun der Arméi gouf haut vum Regierungsrot ugeholl. Mam neie Gesetz soll déi juristesch Sécherheet verstäerkt ginn, esou de Minister François Bausch bei der Presentatioun vun de geplangte Changementer.

Serge Kesseler / cbi

Lëtzebuerger Arméi
Foto: Armée luxembourgeoise / Cuccureddu Evan (Archiv)

Lauschteren


Duerch zwou nei Militärkarriäre fir Leit mat enger Première, respektiv engem Bachelor-Diplom, an d'Moderniséierung vun deenen anere Karriäre solle méi Leit bei der Arméi kënne rekrutéiert ginn. D'Dauer vum Engagement fir déi fräiwëlleg Zaldote soll vun dräi op véier Joer verlängert ginn, den État-Major soll restrukturéiert ginn.

Duerch déi geplangte Changementer soll d'Gesamtzuel vun den Arméimembere vergréissert ginn, fir datt d'Arméi hire militäreschen an ziville Aufgabe ka gerecht ginn, esou de Minister. Déi zousätzlech Personalkäschte bei der Arméi solle bei bis zu 2,3 Milliounen Euro pro Joer leien.

De François Bausch hofft, datt dat neit Gesetz virun de Chamberwalen 2023 gestëmmt ka ginn.

Méi zum Thema

Christian Schleck SPAL
Lëtzebuerger Arméi

Um Härebierg feelt et un Zaldoten, seet de Christian Schleck. An der einfacher Zaldotecarrière géife 40 Prozent méi Personal gebraucht ginn, mee och an de méi héije Carrière feelt et u Leit.

Net verpassen

  • BEAUTIFUL DECAY Festival

    Beautiful Decay Festival.jpg

    Vum 28.-29. Mee ass den BEAUTIFUL DECAY Festival am Gréiweschlass zu Käerch. De radio 100,7 ass e Samschdeg den 28.05. live sur place.

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen