Falschmeldungen respect.lu: Kritesch bleiwen
Fake News a Verschwörungstheorië ronderëm den neie Coronavirus maachen den Ament hir Ronnen op de sozialen Netzwierker an op anere Plazen um Internet. Besonnesch elo, an enger Zäit, an där d'Leit net méi vill sozial Kontakter hunn an ëmsou méi am Internet ënnerwee wieren, wier et wichteg, sech net dovunner anhuelen ze loossen. Deen Appell mécht respect.lu, den Zentrum géint d'Radikaliséierung. Souwuel déi rietsextrem wéi déi lénksextrem Stréimungen an der Gesellschaft géifen d'Coronakris aktiv notzen, fir hir Messagen ze verbreeden, seet d'Direktesch vu respect.lu, Karin Weyer.
Lauschtert dat ganzt Gespréich mat der Karin Weyer vu respect.lu
respect.lu réit dozou, fir selwer aktiv positiv Messagen um Internet ze verbreeden, sou nach d'Karin Weyer. Och an der aktueller Situatioun géife vill positiv Saache geschéien an et misst een och deenen eng Plattform bidden. Fir an der Gesellschaft en nuancéierten Dialog ze kréien an och déi eege psychesch Stabilitéit ze garantéieren.
Méi zum Thema
"Et dierf ee sech net ze geckeg maachen"
De Psycholog Marc Stein réit de Leit, sech selwer eng gewëss Disziplin opzëerleeën. Et kéint ee sech roueg zwee-, dräimol den Dag iwwer d'Corona-Kris informéieren. Duerno sollt ee bewosst ofschalten.
